潘師奶@聖荷西 我在聖荷西攪攪震，無幫襯。

來米兩年，最令自己驕傲的一件事，就是學會了開車。

雖說我的車牌是在 n 年前騙回來的，但那時我對開車的認知度是零。學會開車以後，還有更難的一關在後頭，就是「認路」。

我認路是認地標，不認街道名稱和位置的，加上有 GPS 的幫助，我更加無需要認路了。久而久之，我真的變了個街道白痴，連我自己也有少些頂自己唔順。比方說，我要從 A 地到 B 地，或從 B 地到 C 地，我都懂得怎去。但若果你叫我由 A 地到 C 地，就有些少困難，因為我想像唔到呢三個地方的共同位置。所以小菇常取笑我說，當我要由一處陌生地方去另一處陌生地方，我個腦要先將個起點 set 左返屋企，再去o個個地方先得。

話說有一次，我在公司廁所見到有個女人暈左o係地，佢俾個電話我叫我幫佢打俾佢老公話佢知呢度係點黎，叫佢老公黎接返佢。我當時真係呆左十個世紀，我同佢講，我行 local 過黎，我唔知 freeway 出咩 exit，咁樣已經夠樣衰，自己返工的地方，自己都唔知o係邊樹。但最樣丙的是，個女人問我呢度o既 intersection 係咩野，但我連我 office 係邊條街同邊條街o既 intersection 我都唔知！因為我認地標o架咋 ma！鬼知個 intersection 咩！

相反地，小菇是認路天才，佢個腦係可以想像到地圖的。每當我唔認得路時，我一定會打俾佢，佢就會話，條咩路同咩路係 parallel o既、或咩路同咩路係 perpendicular o既、或你hit 到咩街之後就向南行啦。大佬，我連個方位都未攪掂，我鬼知邊條路係 parallel、邊條路係 perpendicular、同東南西北咩。初時佢就係咁教我認路，但每次我都唔會理佢，因為街道名稱及方位對我黎講，是一樣十分虛無縹緲的東西，真係抽象到不得之了。後來，我又發現咁係行唔通o係呢度唔識街名同方位，真係會俾人恥笑。

又有一次，我返工時，有個客要黎公司但迷左路，查實我都唔鬼知點叫佢黎。當時我真的叮一聲地，即刻開個 google map 出黎，就係咁懶係好似個地圖天才咁指點左佢黎度公司。跟住老細仲話，how could someone get lost? So silly … 我心裡真係偷笑左一百聲。

所以，從唔知幾時開始，我下定決心要多認路。但同時，某次我坐朋友o既車，發現架車係 show 到個方位o架！真的十分先進，o岩晒我呢o的路痴。