我一向對住小菇都係乜野都會 say no 的人，例如佢話買一樣野，我覺得好廢，我就會叫佢唔好買。又例如佢做一樣野唔o岩我心水，我又會大叫。
記得最初時，有一次我們行 Sears，佢見到一架好似人家運送文件 & 汽水的小車，價值 20 米金，佢一向是工具迷，所以二話不說就決定買下來。呢o的咁無謂o既野，我當然是極力反對，最後竟發展到在 Sears 鬧大交。反而，我做的大部分事情，菇都一直支持，好少 say no。
慢慢地，我都學習 say yes，總之唔係大大件事的，即使我心裡覺得有點廢廢的，我都不反對。呢樣野對於我黎講真係有點難度，因為我個人本身就是 control freak，我想做咩都係按住我自己的想法去做，但是慢慢下來，我發覺這樣行不通。
好似今次去夏威威旅行，菇子原本話唔租車，我覺得實在行不通，同小菇講過不如租車啦，但小菇堅持不租。那我聽他的，就 research 一下巴士路線。當我計劃要坐巴士之際，小菇又決定租車了。如果我一早堅持要租車，那我們又可能鬧得不快。反而這樣研究過後，大家有商有量後決定，又會是另一番景象！
當然，這個故事也告訴大家︰「老婆永遠是對的，只係間唔時讓下你咋，傻仔！」
文章定位：
人氣(60) | 回應(2)| 推薦 (
0)|
轉寄
全站分類:
不分類
