我十分喜歡發掘菇子的童年趣事，因為我覺得實在係十分攪笑。
之前我知道小菇o係小學時仍然係唔識得綁鞋帶，後來係有個小學同學教識佢的。昨晚趁無聊時我就問佢︰「咁你仲記唔記得教識你綁鞋帶個小學同學叫咩名？」
菇子大大聲聲地答︰「記得！佢叫宋 ~~ 日 ~~成 ~~，佢係我小學時最好的朋友。每次我條鞋帶鬆左，佢都會踎低幫我綁。」
我實在估唔到小菇仍然記得呢o的野，因為我覺得小菇自幼都是獨來獨往的，而且佢從來都無提起過呢o的咁有趣的事。
跟住佢話︰「佢好鬼頑皮o架，以前小學有三個同學係最頑皮o既，分別係姓羅 ~ 姓宋 ~ 同姓湯。」
我︰「羅宋湯？」至此，我覺得小菇在玩野。
菇︰「係真o架。後來宋日成個阿媽話佢頑皮得濟就幫佢轉左校。後來我上到中學之後，有一次等巴士撞返宋日成，我仲問佢記唔記得我係潘小菇 tim！」
我︰「咁後來仲有冇聯絡？」
菇︰「無 lu ...」
突然我有一股衝動，想o係 facebook 幫小菇尋回昔日好友宋日成。
文章定位：
人氣(3736) | 回應(0)| 推薦 (
0)|
轉寄
全站分類:
不分類
