頭毛們近日聯群結隊離我而去,這是一個一向頭毛濃密的我所不能接受的事實。
一個個走我都冇咁hurt,係走就五六個一齊走,沖涼洗頭個陣,先最得我驚...
嚇得我以為生cancer!
有人話諗野諗得多,精神緊張,個d唔知乜素,荷爾蒙分泌失調,影響到毛囊生長,頭毛因而不徑而走。
不過,識得我既都知唔會煩......講真一句,係唔識煩,又何來緊張。
這原因,不成立。
係洗頭水既問題?
咁就關我老母事。洗頭水係佢買既,買咩用咩囉。
佢好似只係識"沙宣"呢個牌子。一年三百六十五日,我用"沙宣"用足起碼三百日。
其實洗頭水唔應該用死一隻,兩個月到就要轉一次,以免頭皮對某洗頭水失去"免疫力",頭痛食藥就唔應該只係食"panadol"啦,都係咁既原因姐!
同佢講過咁多次,都當我耳邊風,我挑!
不過,諗諗下,呢排都算多野煩,最啃既都莫過於我老母。
鋪頭個到,又話個阿姨發佢脾氣,乜乜物物。
阿姐呀,朝早九點開鋪,你四點先返到,人地係咪唔洗食飯呀!
電話又唔多個,打你電話又唔通,仲施施然四點先返到,你玩哂啦。
到頭黎,人地唔做,唔同你講,又話人地唔專重你,咁你呢?
對住一個善於變面既女人,心驚膽跳,能否成為一個頭毛走掉的原因?
天氣,都可能係一個原因。
所謂熱漲冷縮,呢排涼左,毛孔收縮,毛髮失去支撐--> 毛髮溜掉
加上個頭既油脂分泌又少,個頭勁乾勁痕,r下r下 --> 毛髮溜滑
另一原因,又要追溯返"林拿型"那個他媽的既年代,個頭比佢日舞夜舞,又gel又染...
係個陣開始...
我就忍著淚同我個把雖沒有柔順光澤而卻不易折斷加濃密非常的頭毛say goodbye。
你地走夠未,快給我快快滾回來!!
文章定位: