7月31日 涉谷O-East (Event report)
開場16:30／開演17:30
出演：グルグル映画館／大槻ケンヂ／ニューロティカ／DEADMAN／メトロノーム／lab.
由於這個event的場地在涉谷, 因此上午 我們先到褢原宿看一些 Gallery, 中午才去涉谷 吃拉麵 再行街街, 本來約了朋友3點集合,以為有好多時間可以行 涉谷, 點知..我地去到涉谷已經一點多, 找一找路, 吃過拉麵 又係時候開始找朋友會合了 (可能我地食野的速度太慢吧?)
會合後一起到附近的大型百貨公司SHOPPING, 由於有日本人在場, 我地突然好似完全盲左咁 路都唔認一下,係咁跟住佢行就算…(睇怕下次無佢係度 又唔會識路架啦) 到了某百貨公司 買了心愛的v記手袋 , 因為朋友有節 所以平了很多 (超開心), 買完野 便到附近的 Donut 店,吃心愛的donuts (P.S. 香港真係好少有donuts專門店) , 交換一下手信, 準備一下給guruguru們的手信(Pack好d檸檬乾+烏梅?), 朋友仔又教的地寫信給天野+真 (其實我地只是 in case 見到member就可以比佢地,如果見唔到佢地, 一係就比工作人員, 一係就自己食鬼左佢) ,談了一會就夠鐘 (差不多4點半了) 又要趕去會場了.
到達時已經5點多, 去了Locker室放好手上的東東就入場, 一入場 d工作人員會問人來睇邊隊Band, 當然係 GuruGuru 啦，好彩見放GuruGuru的票尾那個玻璃杯都幾多，好開心！（P.S. Lab. 同メトロノーム同唔羞架！呢３隊係最多人睇）由於開場時間係5點半，所以入到去等左一陣就開始了
★グルグル映画館★
起初台上黑晒！慢慢有ｄ微弱的光線照著台中心，原來天野同一知已經企左係度，佢地未開口講任何野，ｄ人已經開始係咁笑！但係一見到佢地定形企係個台果個樣 我都忍唔住係咁笑，一開口 （佢地係無用咪，好以人地演話劇咁 用中氣講野）
一知: ………..夏天………是熱的
天野: (思考左好耐)………呀….夏天…..是熱的
基本上 除左呢2句之外, 佢地講野都係快得好緊要!!!
講完幾句之後個台又黑晒, 玉君同真又出左離 企係台的右邊而天野同一知就係右邊成一個對立局面
雙方開始展開搞笑的罵戰, 當然…我係完全聽唔明佢地係度講咩啦 只係知到成個場內的人都笑到拍晒手, 我地見佢地個懶認真但又搞笑的樣都忍唔住係咁笑, 寸劇完畢
Song time:
佢唱現場的天野唱得無咁昭和feel, 係CD的唱腔就好昭和，紐晒音！
頭果幾首係新碟的歌（朋友仔，係呢日先比隻碟比我，所以我係未聽過的），同以前的guruguru曲有ｄ分別，rock左好多 同埋全部都係快歌
天野唱歌的時候會手郁郁做下動作(手部好似跳舞咁，但係個身係無郁過架)，有時又抱實支結他，有一首歌，佢用手扮孔雀係咁啄自己個頭 (^0^)好得意！
Goods Time:
☆扉子 (圓形膠質地, 水色…中央有條紅色金魚
天野: グルグル映画館的扉子, 上面係無寫「グルグル映画館」字樣,所以大家出街都可以用,如果去我地的Live或 Event 就可以貼我地d貼紙上去.
☆T-shirt (王君穿了白色的)
天野: 有請我地的玉君
玉君就企上去一張學校椅上 比見 T-shirt我地睇 (白色….睇唔清係咩圖案)
天野: 除了玉君所著的白色, 我地仲為左怕羞的你們做了黑色
☆風呂用小圓盆子 (其實係個奶白色透明的小膠盆 直徑太約7吋)
天野未開口, 大家見到個盆已經係度笑
天野: 風呂用的盆子, 去風呂浴的時候,用來放毛巾同埋 T-shirt(指住玉君) ! (Fans: 大笑) (天野表情:做咩好成咁)
天野: 買呢個盆子….就可以,同玉君一起去風呂! 呢…依家…大家都好想買呢!
到最後一首歌，佢唱番一首舊歌（昌利時代）好正！！！好中意唱呢種曲式的天野，佢即刻將’sip’係褲後的扉子拿了上手, 跳扉舞! 可愛到不得了
★大槻ケンヂ★
一班穿著夏威夷服的supporter, 木結他手, 非洲鼓(手敲擊) + 牛仔吊帶褲大櫬
玩的是 unplug 音樂, 跟其他 band的音樂很不同!
大櫬的神態有點中山明feel (由其係眼精), 由於從未聽過他的歌 所以……寫不出他唱什麼歌!(sorry)
唱左大約2首歌後, 他請了一個 look的人(ニューロティカ的vocal)同佢唱左一首歌,之後又請左一個人出離三個人再唱多一首! 由於第三個人著了casual wear 出場 所以我完全唔知佢就係メトロノーム的vocal (-.-) 係大櫬介紹先知….佢好鬼死怕羞, 冷帽粒到落眉 仲要係咁dup低頭見唔到臉! 連唱歌果陣都無咩望人.
聽完大槻便出了外面大堂飲d野,傾下,休息下….突然間..見到玉君係(樓梯)落離 (平面簡介地圖如下)
(舞台) // (上樓上toliet&2樓看台的樓梯甲)// (二度隔音大門) // (大堂)+(出口) // (樓梯乙)
因為我地面向住隔音大門所以唔係玉君係我地後面, 跟住 係我地隔離有二個女仔, 大叫’玉君”, 點知玉君望都無望下人地,係咁大;步大步走向(隔音大門), 當然,果2個女仔 係咁追住佢! 去到(隔音大門) 一推….先發現自己行錯路 (. _ .) (笑死左睇戲中的4人), 唯有行番轉頭, 比果2個女仔截停左, 塞左封信比佢, 佢個衰人好似好唔願意咁收左! 之後行到我地身邊, 我地個朋友仔的朋友眼名手快咁又塞左包煙比佢,佢竟然講多謝喎! 真係奇!!! 之後 佢又好快咁 走向出口走了!
文章定位：
