今朝正正式式上網睇工..........
結果好灰~~
發覺原來自己乜叉都唔識...........
有0個方面知識既工~~又要三年經驗 or above...........
唉~~~人生真係一關過完又一關,鑊鑊新鮮鑊鑊甘.
雙失青年既我(失業 and 失學)都唔知前路如何...
好兄弟亞星同亞包已經有自己既路,我就仲係原地踏步.........好慢.
好希望好似亞星咁一返到香港就搵到份好工.(除0左日日對住四眼佬之外,我相信亞星幾滿意份工)
同埋.......我雖然做過一段時間0野~~
但係我既工作經驗實在太散啦.........結果就等如零......唉~~~
尋晚係 ICQ 見到 Bonnie,緊係同佢講聲我 grad 啦~~~
高興之餘,仲收到個唔係幾好既消息.
Andy 又 grad 唔到.........我個心即刻 dub 一 dub.
係 Teens 既時候,即係三年前, Andy 已經係 poly 讀 year 2.
0個時我覺得自己可以同個大學生 part 住做 project 而幾開心.
到三年後,我都 grad 到 Andy 都仲未搞得掂,我為此而覺得極灰.
朋友我就得多啦,但真真正正既戰友,可以話得 Andy 一個.
一齊通宵趕工,傾 project 諗 idea,一日走晒成個香港九龍新界,諗返起,都唔似係三年前既事.
我欣賞佢,佢係一個非常認真既人.
YoYo 姐亦都講過佢既認真加埋我既創意,可以互補不足.
但佢既認真亦累死佢.
當年 project's REDs 既時候,佢本身要考試,但佢一樣為 REDs 搏命..
YoYo 姐都叫佢顧0左學業先,將d 0野交比我做.....但佢就死都唔跟個 project...
唔識分輕重,結果就兩頭岸.....搞又搞得唔好,學業又死晒.
之後大家離開 Teens........Andy 就好似怕 0左我地咁...
認真亦令佢鑽牛角尖......佢就係咁~~諗唔通唔會同人講.....所以就係咁~~搞死自己....
之後 我 亦間唔中係 Bonnie 口中得知佢既消息.(但其實Bonnie 都係好間唔中先得知佢既0野.)
仍然係一樣做埋d蠢0野........唉~~
我唔知 Bonnie 口中既 grad 唔到,係又炒科要 retake ,定係已經唔比讀(因為好似讀0左五年定六年啦)......真係 grad 唔到.
點都好~~希望返香港可以見到佢.
仲有,Andy 個妹(都叫 partime 同事過下,相識)已經 grad 0左啦.......我真係愕一愕.
我第一時間既反應係"好彩無比亞妹快過我 grad 0者..........."
同埋想像到 Andy 所受既壓力........一到會令佢更諗唔通.... 唉.
文章定位：
