原來返工真係會攰。
都係做校對既工作。成日9個鐘係度揭課文,同埋攞文本對。
其實我又冇我想像中咁悶, 我反而覺得呢種揾文本係噉對執註解好似返學做功課噉。不過就做到眼痛,有d課本只有soft copy冇文本校對,於是我就好似做paper噉揾原文對番個解釋/字。係唔慣不停係咁成本論語戰國策世說新語找找找揾段野出來。
由此推論,我係一個幾受得住悶既人,連呢份工都冇覺d咩。不過如果要我寫埋題解作者出問題等可能會好悶同好煩,基本上我而家做緊既野都係唔使用腦同好簡單既。
尋日做完有文本既校對.今日要揾+印番印番現成有既文本+註。於是9個鐘裏面,有7個鐘都係對住部影印機,同埋做sorting。攰多過悶。
不過之後應該好d，因為聽日開始我要laan1出去各大圖書館揾文本，haha......可以出去遊山玩水。大家可以打畀我約下我行街，我應該會去中央圖書館同埋返中大。
唔，另外d人畀我預期既好la。上來見工時淨係見到d阿伯既物體；返工之後原來大部分editor都係後生仔女，唔錯唔錯。同埋係貨倉個個都係好後生既男仔，唔錯唔錯。同我共事既中文科編輯有２個大我幾年既女仔，同埋in我個楊生，都好好人，不過唔多講野噉，食飯都係分開食。坐我後面成班hist. editors好frd，食飯之後會一齊食雪條,好好ar。楊生話其實中文科重有個編輯，話「阿劉生年紀有番咁上下，已經６０歲，學問好好。」佢噉講令我諗起long 叔。佢個位好勁ga，咩字典辭典，翻譯詞典都有（係講緊漢語大詞典個類，唔係中華新字典個d）不過劉伯伯呢２日都冇返，真係想見下佢咩樣。
食飯服務：呢間公司有個阿姐負責午飯。如果係度食lunch同sales dept個曾生講，畀低每日１２元既月錢，就可以享用３餸一湯冇味精有肉有菜既飯。尋日試過一日，真係唔錯，不過我都係會帶飯，不過有點兒麻煩，係屯門冇雪櫃，要自己煲飯，夜晚煲定飯第朝食早餐留定d餸eg:三文治既芝士火腿、街邊既魚旦等等。
文章定位：
