今日9點幾起身，上左陣網，之後就出左廳，點知爸爸今日好似唔開心，可能媽咪尋晚放工遲左3、4個字返屋企，佢又亂諗野，又同我講好多年前d野，其實爸爸在我面前同我講媽咪d野都好負面，同埋有好多都係中傷佢。
在我日記中好少出現媽咪，因為我地真係好少時間見面，佢返兩份工，每日都係得幾個字時間見，平時都係傾電話多。
o個陣我又好唔開心+嬲，因為我自小好敬佩我媽咪，姐姐同我細細個都已經同佢好似朋友咁，一直以來有咩都同佢講，關係好好，咁多年佢都對爸爸好有忍耐，一個好傳統的婦女，而爸爸好似有時唔想我同媽咪咁熟咁…又對媽咪唔夠信心，成日都管得媽咪好嚴，又一個人好易亂諗野~~。
我o個陣求神幫助我，因為每次佢咁激動，我都好驚，可能因為童年陰影，又驚佢會自殺，而神一直都慢慢醫治我，叫我可以冷靜d，但佢一提7、8年前佢又因為好少事發嬲而自殺的事，我就會驚到流淚，勁驚佢又會自殺，雖然自那次後佢都冇，但可能這就是我的死穴，求神醫治我。
當中，都開心佢有d唔開心都會同我講，因為佢的世界中，我可能係佢唯一的傾訴對象，我亦一直求神去陶造我生命，令我的改變而慢慢去影響他，讓媽媽冇咁辛苦，雖然佢現在都有d時候會好易唔開心，但可能至少佢都相信我，這幾年都學對佢坦誠，知道我信神，亦知道我愛佢。
多謝神讓我有個十分慈祥的媽咪…面對爸爸神都有d 支持，我亦知道神放我在這個家庭中的心意，學去愛我爸爸的功課是我一直在學。
「他們說：“當信主耶穌，你和你一家都必得救。”」(徒16:31)
我要好好堅持在家中作鹽+光~~
下晝，我睇完怪獸公司vcd，一套幾好笑又有意思的電影…真攪笑。之後去左做陣gym，同等埋媽咪一齊搭車出荃灣~~哈哈~~我同佢又十指緊扣咁行一陣街~~
仲被佢d同事從後撞到…以為~~~哈哈~~
晚上，同埋團契成組人一齊去食飯，為寶華餞行，因去一年加拿大exchange，成組人都有出席，仲有肥利加入，去完pizza hut，仲去埋”稻草人”食小食+甜品，開頭我覺得有d怪怪地，有唔少dead air，但之後都好，大家有講有笑….
聽返Lily 講exchange d 野，10個月來深刻的生活體驗，令我都好想去台灣~~﹗
願神祝福寶華啦~~下年見再佢~~~
返到屋企諗住早d訓，但陳慈正好夜打俾我，問我近況…..我覺得自己有d唔耐煩，可能近期習慣早訓，都唔係點想出聲….only 聽佢不停講………最終佢都feel 到我眼訓了~~~
第9天的”標竿人生”—“甚麼事令神歡喜”
書中舉了挪亞做方舟一事做開頭：
「挪亞因著信，既蒙 神指示他未見的事，動了敬畏的心，預備了一隻方舟，使他全家得救。因此就定了那世代的罪，自己也承受了那從信而來的義。」(來11:7)
當我們全心愛祂、信靠祂、遵從祂、不斷讚美祂、使用我們的材幹，神就歉歡喜~~
願我能在日常生活中，做一個討神的歡喜的小孩….特別在家庭裏….
文章定位：
