24h購物| | PChome| 登入
2005-07-13 21:19:28| 人氣28| 回應0 | 上一篇 | 下一篇

7月11日

推薦 0 收藏 0 轉貼0 訂閱站台

今日去左睇頭文字D 呀，我朝早攪掂d 事之後就約阿宗出黎睇囉，未睇之前食左個麥記，可惜IFC 麥記冇位丫，去左中環麥記，兩間的服務員質數差得遠囉，算啦，都係食野姐，唔好計較咁多喇都係。

食飽左，行左陣街，去左中環HMV 買左d 碟，唔講唔覺全部都係恐怖片，近排真係唔知做乜會變左，居然主動買恐怖片睇都有既，可能人大左唔同左，以前會盡量避左唔睇，而家愈避愈想睇添，呵呵呵。

買完碟，就去戲院等睇好戲喇，未睇之前買左個爆谷，咦，揀邊個好哩，細的好細，中的好中，好！就買個大的爆谷啦，咸定甜好哩？哎唷，好難諗呀，兩溝啦唔該，嘩~~該煨囉，咁鬼大的個大爆谷，開始feel 到食唔晒的感覺。
開場之前大大聲食爆谷，引下d 冇買爆谷的人先~~
開場喇，套戲都唔錯，阿宗話個女主角幾似靚女(肥妹仔)喎，我不嬲都話肥唔代表唔靚架啦，終於識貨喇。一路睇戲一路狂食爆谷，目的係睇完之前食晒，散場囉，爆谷都食得晒，不過把口好累呀。

睇完戲打比葉師父，佢約左我地响IFC 麥記等呀，佢未黎之前我地都係淨坐，鬼咩，食爆谷食到好累呀，冇咩胃口。等葉師父食飽之後，就搭船返長洲囉。

夜晚好早訓呀，可能今日太累喇。

今日好運：睇左頭文，我都覺得個女主角幾似靚女(肥妹仔)喎~~
今日衰運：食爆谷食到好飽a，口軟~

機會只會比有準備的人......我準備好喇，你呢~~

我要檢舉
台長： 鏗
人氣(28) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文