【作者】
周娜（化名）（1994-），名校高中學生。小學期間參加朗誦比賽獲一等獎，中學期間屢獲傑出學生獎、熱心服務獎。曾代表學校出席《城市論壇》並提問，獲得主持口頭讚賞。作品有 《我的志願是老師》、《尊師重道勢必行》及《香港一定得》等，散見於校報及個人網誌。
【題解】
作者坦率道出援交少女心聲，並指出社會人士對她們存在誤解，借此表達對尋求社會公平、人身自由的強烈渴望。
【課文】
你地根本就唔明白我地既感受！援交又有乜野錯呀！
我地係學校，幾時會有尊嚴丫？咪就係你成績好、人又乖既時候囉！識做戲，阿生就當晒係好學生。一出校門，呢班所謂既品學兼優生，做乜你都唔知啦！
就算佢地真係做乜，又有乜錯？好似話，佢地一放學就去援交，又有乜唔岩？大家都係各取所需，下話！
坦白講，我都係學校認為既品學兼優既學生，我就覺得場戲唔難做。班阿生見你識得點頭識得笑，扮晒死狗聽聽話話，就當實你係好學生啦！
做阿生有乜好？我就成日見阿生俾老細鬧！鬧到頭答答。呀！有篇乜野文話叫頭耷耷喎，是旦啦，咪又係一句，明咪得囉！
我老早就發覺，教育根本就係好搞笑既！實情就係迫我地最終係試卷上寫上唔會令阿生揹鑊既文字！再講丫，呢個世界，根本就係亂晒坑架啦！新聞成日講奧斑馬，係黑人定白人當選，關我鬼事咩？就算係咪崔生當選，我都覺得冇乜所謂啦，反正我知澳門明年一定仲有錢派，大家咪又係各取所需！
你地呢班大人，成日搵果個女仔黎講，又話俾人肢解又話盛。其實係佢自己笨。我就真係冇驚過，小心咪得囉。係！我承認有時男人係會要求多多，但我未遇過有人會夾硬黎。
我陪過既男人，通常都係白領，搞笑既係見世面好似仲少過我咁。同佢地一齊，我有時仲會有一種被愛既感覺。我自己既生活圈子又點會識到呢個層次既男人呢。再講，佢地無非都係想搵戀愛既感覺、同埋一時既快感。當我地陪伴完佢地之後，佢地又會對伴侶有少少內疚喎，分分鐘就會對伴侶好返。我地簡直就係維繫佢地感情既幕後功臣啦！專業過專業社工，佢地得把口齋講，有鬼用咩？
傷害自己前途？都戇居既！我額頭又冇鑿住「援交少女」四隻字，我唔講，邊個知？我隨時仲係老師眼中既品學兼優生、爸媽眼中既孝順乖乖女、男生眼中既純情美少女都仲得！
性呢樣野，係冇限額既，個天俾得一副咁好身材俾我，唔用咪徙！男人enjoy時，我都舒服架。你不妨試諗下：有個男人咁用力咁令我開心，開心完仲要有錢收，你話何樂而不為呢？我用自己既身體去贏取被愛感覺、同埋賺錢買自己鍾意既野，又唔係偷又唔係搶，有乜唔岩先？
【思考題】（自由選擇一題或多題作答）
根據課文，試舉出成為好學生的方法。你認為這方法可行嗎？試說明之。
老師如何才能知悉學生課餘生活是否符合好學生的要求？請提供具體方法。
主人翁的時事常識如何？何以見得？
試引原文說明主人翁如何看待教育，並試借此評價學生評核制度、學校人員管理制度是否存在問題。
綜觀全文，用扼要話語歸納誘使主人翁投身援交行列的原因。
如果安排你跟主人翁傾談，你會跟她說甚麼？
文章定位：
