熱烈恭賀BoscoMedia Limited正式成立! 呢個BoscoMedia 係超仔加亞成再加Adam... 一齊合資開既公司, 幫人整下Websites, Viedo (即係人地結婚個d 哩...)等等. (總之就係同電腦有關架囉!)
佢地間野開張, 邀請左好多朋友一齊去“開壇”剪綵, Ofiice 細細, 但就迫滿哂廿幾三十人. 有驄爺, 驄嫂, 亞鍾, 成哥, 成嫂, 亞妹, 狗哥, VV, 師姐Jenny ... 呵呵, 有D太多年無見, 但幸好你地仲叫得出我個名. 係office度, 個個係度食下野, 飲下野, 聽下老闆們講下間公司做咩, 睇下d Demo. 而我就係咁係度睇老柴七個禮拜歐洲流浪既相. 睇完更加想去歐洲走番轉, 不過... 我諗有排都唔會實現. (至少家陣亞媽成日“撩”我去台灣, 我都去唔到, 因為個BNO 過左期, 諗住影相去拎架喇, 點知… 額頭又生左粒大瘡瘡!)
攪左一大輪, 就“移師(屍)” (哈... 狗哥講既!)左去中環皇上皇 (本來諗住唔去架, 但見老闆成哥同成嫂咁有誠意, 咪去囉, 點知... ) 去到又見到多D人, 仲見到有個人好熟面口, 比祖哥話我見人地幾靚仔就話識人地熟口熟面, 作死咩, 最後我無錯, 佢係我以前學拯溺既同學亞森, 家陣佢仲做埋牙醫. 打左陣麻雀, 輸左三十蚊. 開始食野, 分兩木台食, 張木台鬼死咁大, 勁難夾野食 (可能我手短喇!). 嘻嘻哈哈食左餐飯, 亞陸仲拎左部新DC 出黎玩crossover, 用超仔個頭key 落我個身度, 又將祖哥變左個白痴仔... 哈! 比驄爺問我仲咩唔多出聲, 我話我不嬲都係好文靜架喎! 比佢串我話自己講完句咁既野仲識笑.
食到尾聲, 再食埋蛋糕, 因為有朋友生日. 個蛋糕又幾好味喎 (蛋糕個part囉! 有D似源記雞蛋糕個D味同口感, 唔錯唔錯!) 食完打比大明星, 知佢係旺角打緊機就去搵佢喇! 去到又撞到Tracy, 見佢好似好“抆”憎咁既樣. 行去打個招呼就走左喇! 問大明星想食咩, 佢又樣樣都話唔好, 最後都佢係揀左食越南野. 人地咁遠黎陪你食野, 仲話我個樣咁... 我亞媽生成我咁我都唔想架喎, 我個樣係天生架喎!! 哼! 又話今次唔同, 死都唔肯講為咩...激死 @@ (當然最後都知係為咩喇, 早早地講咪無事囉! 嘿!!) 好在最後都相安無事! Yeah~
P.S. BascoMedia Website:
www.boscomedia.com.hk (幫佢地賣下廣告先!)
tHeSe dAYs' sPeCiAL: “超好味”既蕃茄蛋糖水 + 的起心肝九月搵工
PHOTO @ 我家的新寵兒 (爸爸超鍾意)
