前言：
這篇是寫俾自己同其他參與既朋友仔第二時睇既，等第二時可以想返起呢個夏天做過d嘜，所以是用流水賬式寫發生過既事。今次宿營發生過的趣事主要有：鋤大D‧一回一餐\麥記、打麻雀志偉哥自摸手指公杉刺、青島罐裝舉命啤、鋤大D‧一回一隻香蕉，當然還有我所信奉既「麻雀女神」啦！（睇完之後如果有錯字錯句錯內容，請提一提我）
正文：
宿營日期：22/7/2005 - 24/7/2005 （三日兩夜）
宿營地點：大嶼山貝澳
參與友人：肥洪、李榮、Bonnie、 志偉哥、Tommy、Grace、Heidy、Raymond、Phyliss ＆ 我
7月22日
項目一：出發
準時的人通常都會受到懲罰，這一次我做左要受罰既人，等了十分鐘。當肥洪、李榮等一班人到達碼頭時，以為所有人都到齊，但是原來志偉哥遲大到，我們唯有先搭船入梅窩再等佢。
項目二：鋤大D‧一回一餐麥記
乘船前往梅窩途中，由於船程都要成粒鐘，我們就玩起了鋤大D。齋玩大家都無咩興趣，有人提議一回一餐麥記，大家即時顯得興致勃勃，不過我卻有些膽怯，因為我不嬲運氣都比較差。但事情永遠是出乎意料的，第一回過後，我的午餐就有著落了，哈哈哈，多謝哂Tommy。原本想見好即收，但輸了的不服要複灼。第二回由肥洪勝出，Bonnie請。到達梅窩後，就隨即到麥記用餐，邊吃邊等志偉哥。
項目三：渡假屋
待到志偉哥到達，買齊食品飲品日用品等物資後，我們就乖的士前往貝澳。入到我們所租的渡假屋，大家第一個印象就是：嘩！好唔掂啊！不過算啦！都入到來，安頓好後就出去外面玩吧！
項目四：有如澳門黑沙環的海灘
約下午六時，我們出發去附近的海灘游水，去到看到第一眼，唉！又係失望！好污糟！不過在幾位女仕強烈渴望落水的情況下，除了Tommy、志偉哥外，大家都落水玩了，其實都玩得幾開心架，不過太陽下山後就好凍囉！離開時，還見到兩頭牛在沙灘散步，都幾浪漫架佢地~~
項目五：燒烤
其實燒烤並沒有什麼好記，只是我又有機會發揮我呢位「燒綿花糖小王子」既燒綿花糖技藝罷了！燒完之後，肥洪送Heidy出碼頭搭船返家。
項目六：大戰四方城（一） ‧志偉哥自摸手指公杉刺
食飽飽當然要開工啦！竹戰一觸即發，李榮和Bonnie 一組，志偉哥同肥洪一組，Tommy獨力出戰，而我則不敢落場打但又想玩一兩鋪，所以選擇同功力強勁的Grace一組。結果當然是我有眼光啦！無睇錯，麻雀檯上的Grace果然係我所喜歡的那類女子，願意同我分享佢既成果的那類，哈哈哈，Grace果係係一個「女神」！在竹戰期間，發生了一件趣事，就係志偉哥自摸一鋪八翻牌之後一手拍落張檯度手指公杉刺，最慘既係俾幫手拔刺既肥洪同借出眉"Kim"既Grace各屈左一餐，贏埋都唔夠請。
項目七：Drink Time ‧ 青島罐裝舉命啤~~
約三時，Drink Time開始，一於飲聖佢。這次終於嚐到肥洪同李榮兩個酒桶所推崇的青島啤酒，點知我喝了半杯就覺得d氣頂住個胃，好唔舒服，仲要一下子飲埋餘下一杯半，簡直想死！面對呢種罐裝青島，就連肥洪同李榮都話好唔掂，肥洪更要用朱古力奶解一解酒。Drink完之後，大都去睡了。第一天至此結束。
7月23日
項目八：被肥洪轟醒出去食野
由於床既空間問題，睡得差常差！睡了幾個小時十一點都醒左，是不情願地醒左，呢個時候Tommy同志偉哥已經離營，Tommy要趕船過大海，而志偉哥則話要去踢波喎~~ 肥洪也醒了，並且離開張床，騰出寶貴的空間，食佢既早餐。我則繼續訓，但在一點至兩點間，我不斷被肥洪滋擾，最後終於敵不過佢，同佢行左出去食野。
項目九：出梅窩接Raymond & Phyliss
吃過不過不失但好大碟既午飯後，我同肥洪就搭車出了梅窩碼頭接Raymond 同 Phyliss，船未到，我就同肥洪逛了入銀礦灣，我想起了以前的好多好多的往事。等到Raymond 同 Phyliss到步，我地就買齊打邊爐既食品用品回渡假屋去了。返到去，個個都好似只係剛剛睡醒，那時大約四點。
項目十：貝澳著名既士多：富瑤士多，黑店一間
睇左一陣香港對曼聯，之後就出發去踏單車，在富瑤士多租單車，一小時十元或一日三十元，大家都想踏耐些，於是就租左成日。嘩！問題就出現喇！我們踏了一小時左右就踏完所有可行的路，唔踏出公路，貝澳就真係無地方好踏，三十元真係俾佢騙左...幸好最後同佢講數，起佢舖頭拿返$70野，如果唔係就血本無歸喇！
項目十一：大戰四方城（二上）、打邊爐
回到渡假屋，開始第二回竹戰，我仍然與女神Grace一組，打左頭幾鋪~~ 除了打麻雀的四人，其他人就去準備打邊爐d野，要特別鳴謝一下幾位女仕。預備好後就開始打邊爐喇，食到好飽啊，淨返好多丸狀物，要用遊戲方式搵人食埋佢，結果可憐的我食左七粒啊陰功！
項目十二：大戰四方城（二下）及 鋤大D‧一回一隻蕉
打完邊爐休息左陣就繼續竹戰喇。我、李榮、Raymond、肥洪則玩鋤大D，懲罰係輸左果個食一隻蕉。李榮先拔頭籌先食兩隻蕉，之後Raymond同肥洪發力，Ray仔最終食左3大隻，肥洪中段發力食足4.33隻蕉，我則末段乏力吃了2.33隻。當我吃第二隻既時候真係已經想死，可想而知肥洪食4.33隻幾辛苦。鋤完大D之後，因Grace要去沖涼，我就補上打麻雀，不過打左幾鋪就出沖左一鋪八翻喇，真係敗家，家產變負既同時，我信心全失，俾返女神玩。幸好，女神並沒有離棄她的信徒，最後仍然有錢分，哈哈！正明我眼光無錯，呢位女神信得過。
項目十三：Drink Time 2 ‧我真係醉喇
打完麻雀大約5am，我地開始玩遊戲飲啤酒喇，今次真係唔掂，無論玩咩遊戲我都係咁輸，真係醉喇，之後仲要分組玩獎門人果d接字遊戲，邊組有醉左之後反應極遲鈍的我就好似先輸一個人咁，真係sorry。約7am終於玩哂d酒，可以訓lu。
7月24日
項目十四：俾人拍門叫走、返香港
甜睡到11點半，被肥洪電話的響鬧吵醒幾輪轟炸吵醒了，起身準備走既野。十二點正，就有人拍門叫我地交屋，明明話一點架嘛，十二點就起度嘈，$@#$@。因此大家加快起床速度走人。宿營之旅至此結束。
去完呢次宿營之後，我想我盡可能都唔會再去貝澳宿營~~環境太差喇
文章定位：
