【瑩之手扎】 我要將生活點滴一一記下來 要成為將來回憶的一部分

67愛的鼓勵 0訂閱站台

寶貝囡終於係6月10日出世啦~佢比預產期遲左一個星期先出世!!!

記得果日朝早落超級大雨，心諗都係遲多一日先上山頂催生，點知訓訓下個心仍住仍住，最後都係決定上去，上到山項檢查完之後就要辦入院手續，老公陪我食中午後，我就開始要吊催生針啦~成個下晝就係咁望住個天花渡過!!!時間真係過得好漫長，醫生巡房GE 時候話大概當晚就可以生~到左7點幾阿爸同阿媽上黎探病，果陣時真係痛到我不得了，等佢地走左之後終於忍唔住叫護士，檢查後原來可以生得~真係講都唔信呀!!!!!

經過個半鐘ge 努力，囡囡出世啦~第一時間打電話通知老公.....佢竟然唔相信我生左，因為我把聲實在係太精神啦.....呵呵!!!!果一刻真係好興奮!好想快d 同老公分享，係我休息ge 時候囡囡一直係我身邊....諗起朝早仲係我個肚踢黎踢去~而家就訓係身邊，果陣感覺真係好特別!

而家又有另一個身份~做媽咪!