【瑩之手扎】 我要將生活點滴一一記下來 要成為將來回憶的一部分

67愛的鼓勵 0訂閱站台

4月29日

告別儀式已結束，由於陀住阿b 唔可以出席，呢兩日係屋企諗起好多同嫲嫲相處既往事，真係有點傷感!

記得嫲嫲離開後第二日我要一早去保健，車停係紅綠燈前，突然見到一個白頭髮攞住拐杖ge 婆婆過馬路，眼淚無聲咁落下，因為果一刻我又諗想嫲嫲.......果種感覺真係好難形容，我又唔想太傷心，唔想喊咁多但偏偏又控制唔到，返到屋企又大喊一場之後心情又好返d，老公叫我想講ge 野不如一次講晒出黎，唔好收收埋埋，但當我諗起又想喊啦!到最後我都將我想講ge 說話一次講出黎一次喊晒出黎!

係呢兩日心情已經平伏返好多，呢兩日ge儀式我唔可以出席，真係有點遺憾!今日一直落大雨就好似我ge 心情一樣，好複雜!

嫲嫲，永遠懷念你!