31 May 2005
琴晚臨瞓前卒之迫自己打左份行程表先瞓
send左俾oi man lu~~
睇睇啱唔啱心水啦
唔啱再改~
朝早瞓醒上網
下晝Lo打黎, 話佢account過唔到錢俾我...
唔係呀...等住找卡數喎......
出開China Town, 順便去HSBC問下
起碼大家都係中文人, 易d溝通
唔係好似上次打去card centre問少少野
個customer service 個女人d英文難聽到極點!!!
唔係怕用英文講, 係佢d英文係Scottish口音
真係聽到耳都側埋!!
今次問既係廣東話人, 一入到既見個男職員冇野做緊, 問佢..
高妹: 唔該我想問, 如果想由HSBC account轉錢過HSBC account, 要點做?
HSBC男人: (呆呆地咁望住我) 轉錢呀.... (再諗一諗)
高妹: 由我朋友個account轉錢過我戶口
HSBC男人: 你咁樣要得你朋友同意喎, 唔可以你自己轉喎......
高妹: (心諗: 唔好玩啦... 鬼唔知咩....common sense啦下話....冇野呀!!)
我知.... 佢今朝喺利物浦排隊喺counter想過錢俾我, 但唔得
高妹依然保持笑容, 再問....
高妹: 佢果邊HSBC話要當bill payment咁做
HSBC男人: UM.... 可能佢果邊忙, 唔幫佢做啦
高妹: (頂...!) 咁即係要點做呢?
HSBC男人: UM.... 應該要係呀..當bill payment咁做先過到數....
(下刪100字)
HSBC男人: 上網或者打電話telephone banking都得, counter要收12鎊手續費
高妹: 咁個電話號碼係...??
HSBC男人: 08XXXXXXXXXX (以為佢會俾個有電話號碼既leaflet我, 點知齋講, 我剩係知道頭兩個no.係08, 之後已經聽唔到)
高妹: (你唔係呀....)..... 咁上網可唔可以check到架呢?
HSBC男人: 應該有
高妹: (超無奈地) 哦...唔該!
未見過d咁唔helpful既so-called customer service人!!!
兜咁耐先講要點做
問非所答, 0徙我時間! 頂!!
呢個人豬兜咁蠢, 呢度d system仲蠢
有哂我account number同名
喺香港晨早可以用9萬幾種方法入到錢俾人啦
呢度排到去到counter face to face叫個teller做都唔得
又要點點點, 之後再點點點先過到數
咩system黎架.....
繼上次Eurostar之後
又再一次明明有cash現兜兜都俾唔到錢!
唔係冇錢, 係d stupid system落後到死!!
英國佬真係..... 冇野講....
改良下啦唔該.....
文章定位: