今日7月1日，係加拿大國慶~~
一早8點半起身，跟左陳生陳太出去開舖~~
之後3點幾，Esther同亞庭出左黎唐人街搵我，
之後我地過左Prince Island Park，
其實黎左Calgary甘耐都係第一次去！
估唔到原來過左河之後，個Park都幾大！
今日去既人唔算太多，但係居然比我撞到一個人！！
我同Esther佢地企左0係Face Painting個攤擋前面排緊隊畫面，
之後無端端有兩隻手搭落我膊頭，嘩！嚇一嚇再望返轉頭，
哈，原來係Kerrie!佢0係台灣返黎之後一直都無搵過佢，
原本都諗住打比佢，但係成日唔記得，
估唔到竟然會0係D甘既地方同佢相遇！
無見兩個月，佢依然係果個字—型！
比走之前仲型多兩分！哈哈！
一見到佢就不斷拉住佢同佢講國語，
成班人嘻嘻哈哈甘就過左三個鐘！
之後Esther仲問左一個我一直都好想知，
但係又從來都唔敢問既問題！
本來Kerrie都唔係好想答，
但係0係我地既嚴刑迫供下，
佢終於對我地講出真相，哈哈！
不過其實都無話點迫佢既，
我覺得佢份人甘爽，就算我地唔迫佢，
只要問多兩問，佢遲早都會講，
我就係喜歡佢依種性格，
依家D女仔好少可有佢甘直！
其實由我第一眼見佢果時，我已經知道答案，
問，只係為左confirm一下~~
到左6點，因為要同屋企人吃飯，
所以要同佢地講拜拜，
真係有D唔捨得，因為傾到興高采烈~~
今晚又食左好多呀，點算？？
一日就係甘樣過去~~
文章定位：
