3月7日 晨早7:30 am
入左北區醫院，幫個膝頭做內規鏡檢查。一入到手術室就比個女護士問左個同手術完全無關既問題:「有無人話過你好似一個無線藝員呀?」。「哦…試過…」
由於係局部麻醉既關係，我就同醫生一齊進入左我身體裏面既世界。起初都覺得好新奇，見到白色既骨，紅色既血同肉，又紅又白既韌帶(因為裂左嘛)，係咁比佢”new”黎”new”去都唔痛o個下過癮嘛。不過睇一陣就開始悶，加上又眼訓，咁就合埋雙眼等佢自己黎。比醫生見到我合晒眼佢就問:「點呀頂唔順呀?」；「係呀。頂唔順呀，好眼訓。」
搞左成個鐘，個結論就係3月9日要做個全身麻醉手術。
3月9日 晨早7:00 am <-- 仲早左
7點到，hae到下晝3點先比人推左落去basement手術外做登記，呢個係我最緊張既時候，因為呢個basement真係好basement，9成似bioharzard臨打大佬之前一定會經過o個d basement，問你驚未。
入到手術室，比人o係手度打左支針，自己feel到有一陣麻痺由手、經血管(唔知係咪咩subcalvian vein)、再流去個心度，之後就得到左「寫輪眼」--- 睇住頭上既手術燈黎個「影分身」，一分三，o係度轉下@@轉下@@，跟住我就訓左，之後咩都唔知啦。
比人拍醒，迷迷糊糊又比人問一條問題:「你知唔醫生已經幫你做左手術啦?」
我搖頭。
o個個人即刻放心晒，因為我又誠實又清醒。
3月9 – 11日
做完手術開始先係痛苦既開始，以前都知咩叫悶，而家就知咩叫”苦悶”，悶到苦，再苦到悶，綿綿無絕期。以為訓著就唔悶?! 錯!!!!!!! 由晚上12點至早上7點呢段應該要訓既時間，你最少比整醒5次之多，包括打針、量血壓、量體溫、sa sa聲咁幫你換冰、叫你洗面和食早餐。好彩11號12pm 就出得院，謝天謝地。
最後都好多謝醫生、護士同呀姐既照顧。多謝tvb既劇集。同埋多謝關心我既朋人。唔使擔心我架，it is not as painful as “monkey steal the peach”。
文章定位：
