又到新一年啦~
o係度先恭祝大家新年快樂~ 讀書既順順利利畢業!! 拍拖既可以搵過件正d !!
想發達既繼續買六合彩!! 番工既繼續等放工!! 恭喜恭喜 !!
今年新年同往年都係一樣, 無乜人黎拜年, 又無去人度。利是錢自然就少啦。以前有d朋友，過一個新年，有人地成個月人工咁多錢~ 真係正。唔知佢今年又有幾多呢? 不如搵佢請大家食餐飯都好woo.
年三十仲要番工，鬼咁多麻煩電話入黎，又話有人食狗肉，又有d富貴一野放20隻狗出黎。好彩都可能順利o係5點前放工。
初一o係屋企睇賀歲波，講到賀歲波不得不提圖中既「和仔」，和仔每年年初一都會o係大球場接受成千上既香港球迷一起送上既祝福。可惜今年和仔無為我地獻技，不過每當回想起佢既「世界”吸”」、「底線傳底」，都令人津津樂道。雖然無和仔，淨係睇巴西都夠晒啦，又好波，又認真，香港破到蛋已經好好啦~ 我一路睇都無寄望香港會破蛋，反而一路諗「屎波倫」會唔會再次使出成名絕技「單刀橫傳」，嚇一嚇d巴西鬼都好嘛。
今日已經係初二，好多野仲未玩呀~ 打麻將、BBQ、去band房等等。初六就番工啦，如果睇到呢個呼籲，希望大家唔好猶豫，快d搵我去玩啦，多謝。
文章定位：
