我人生第二份工，做到第三日已經想走。
每日放工都急急走人，然後去搵心靈上既安慰，同女朋友去街，彈下結他，搵朋友出下街。話雖如此，日復一日咁對住一群好討厭既人，身心都會好攰。
Week 4 剛剛開始，星期一已經急急咁請星期二 no paid假，話就話係去覆診，其實自己最想好好地抖番一日。一早起身輕輕鬆鬆去威記睇醫生，第一次搭馬鐵，都幾好feel。不過醫生就話我隻腳唔係幾好feel，幫我排期3 月做手術。好丫~橫掂一個月有2 day sick leave。
覆完診12:30pm，又未食飯，打個電話比舊同事呀恩問佢地出唔出去食飯，跟住就番左大埔同佢地食飯。一段時間無見，佢地都不忘問下我新工既情況，愈講愈無心機。不過都有講有笑，食得好開心o既。
雖然自己都明白做野一定係咁，邊有份工貼錢比你開心架，就當學下野，感受下現實係點囉，就算唔係「少林寺」，咪當自己讀多個「社會大學副學士」囉。
你地睇到可能覺得我呻呻呻，嘈嘈嘈，好軟弱咁。無架，頂唔順咪出聲囉，有d既o係自己想像之內，唔代表自己會無感受。
呢一刻真係極期待同班friend 星期五睇beyond，可以好好咁發洩下。
文章定位：
