大家係咪見到一排衫呢? 先唔好理o個排衫先~
其實今日帶大家黎睇下小弟平日辦公、放野既主要地方。
邊度?? 大家當d衫唔o係度，你地就會睇到我張書枱架啦，張書枱放左好多野架~ d 玩具呀，筆，文件都o係晒度。如果要拎野咁點呢? 咁咪穿過d衫拎，或者”捐”過佢地囉。
可能對於有間房既大家，我好似好慘咁。其實都唔係最慘唔係呢樣……
先聽下面呢段未經刪剪，絕對能夠令到大家不安既一段真情對話。
今日一起身就比我呀媽話:「睇下你張枱幾亂??!? 成堆垃圾咁…就黎掉晒你d野…」
「大姐…『眼不見為乾淨』…妳成晚掛晒d衫o係度，我鬼睇到張枱亂咩…
就算有個人匿o係裡面我都睇唔到啦… 況且張枱係我o既, 妳理得我亂唔亂o者~~」
「呢間屋無野係你(指我)既!!」
對話就咁完結。梗係完結啦…佢咁講…我仲有咩好講o者…
大家睇番張相，右上角，見唔見有頂cap帽掛左o係度呢 ?
我張佢命名為「吊我頂帽」
以表達我對鐵腕管冶及對本人任何管冶既強烈控訴!!
文章定位：
