近來日日都好眼訓，無論訓唔訓足8個鐘都係好 支力 咁，黑眼圈不斷擴大。
公司呢排非常忙，我手上的社區圖書館計劃，由零開始，搵書借書，setup運作，建立使用守則，書本分類揀選上架，宣傳招募，事無大小，咩都要諗。12月7開幕，而家仲一個人努力咁入緊書的資料，逐本書去執，遲d仲要包書，堆書話多唔多，話少都有六、七百本，真係見到都呆左。日日搬黎搬去，左執右執，搞到周身骨痛，隻主婦手又發作，每日都諗:快d開就好。到左就黎開，又擔心無人黎借，一堆未忙完，即刻諗定點吸引人借書，係咁做無停手。
呢輪忙，公司個個心情都唔多好，三不五時大家的面上都會黑一黑，外加發炆憎，見人避人見電話避電話，皆因個個都怕走D case出黎，講笑的心情都無埋，突然間大家都好認真工作，對公司黎講都可算係好事。
係公司堆積一肚悶氣，好想同男朋友講，見到佢之後又講唔出口，諗落無咩值得講，一來過左啖氣，加上一吐苦水就大家都心情低落，都係算數，邊份工唔使捱，有時職責所需，鍾唔鍾意都始終要做。
我要努力令自己放工之後少d諗公司的野，唔係好難平衡。
文章定位：
