惡料情報 我的生活每一日都係充實的、每一日都係精彩的,發掘同體會身邊的小事,都係一種人生樂趣~~快D睇下我每日發生咩事啦! \"來學我這種態度　遊戲一場 蝴蝶也要努力地翱翔　誰要大家鼓掌 能活得開開心心　也被景仰\"

2,702愛的鼓勵 0訂閱站台

一星期工作七天,今日都要開工,工作地點係屯門.

呢個<無綫經典劇集群星匯>由於係我去寫份script,所以要由頭跟到尾,遊戲數量同送禮物的數量多得很...好多人都話係大Show!而我要理的事多得很,要理二十個咩人都有的玩遊戲的參賽者,又要照顧阿姐阿哥的嘉賓,再要理埋隨時"標童"的導演...

到個Show差不多開始前,導演問我,七份呢個Show的promo稿寫好未,今晚佢會返去剪...

我之前問過super幾時要寫,但無答我,我而家竟然聽到今晚就要!!!!!(星期五全日已經寫TVBuddy的VO稿,尋日又再出去做Buddy,今日就做呢個Show,根本就係無時間...炒啦炒啦!炒晒公司啲人啦!)

當我聽到Super話"一係一陣完Show返公司寫啦!"

簡直就係晴天霹靂...依上次的經驗,做完呢個show,我已經跟疲力竭...所以我諗當時我控制唔到咁黑咗面!即使極唔高興,但都係要做......

五點幾完咗個Show,跟車返公司.

買咗罐可樂差電,之後開始寫稿,超極速,喺導演食完個飯返來的時候,寫起咗七份promo稿!

離開公司已經2035...返到屋企已經十點,攰到唔想講野...