惡料情報 我的生活每一日都係充實的、每一日都係精彩的,發掘同體會身邊的小事,都係一種人生樂趣~~快D睇下我每日發生咩事啦! \"來學我這種態度　遊戲一場 蝴蝶也要努力地翱翔　誰要大家鼓掌 能活得開開心心　也被景仰\"

2,702愛的鼓勵 0訂閱站台

今日開最後一日大廠，所以早咗返去影相留念！



其實今次開廠幾位主持真係相當唔錯，佢地每次都輪住請食飯，一係就請飲野，令我慳咗唔少，haha！

下午，我無跟埋個廠，因為有一樣更加重要的事要做，就係我屋企人參加咗公司搞的親友電視城半天遊～等媽媽同家姐都知吓我返工的地方係如何！

行程一，先去一廠，但由於拍攝緊（即係我做緊嗰個節目），所以佢地無得入去！

行程二，去發射衛星，古裝街，民初街！

行程三，去Canteen之一的西餐廳食個茶點，一人一份紀念小禮品之餘，仲有玩下遊戲！哈哈！比我贏到份禮物返嚟！

去到四點半鐘完結～


之後就去咗又一城食飯兼睇＜＜咩都得先生＞＞，喺等入場之時，見到小君同Kalson喺播宣傳的電視出現，係佢地早前睇＜＜一百萬零一夜＞＞時被訪問的片段！其實之前Jason已經話喺街食飯見過條片，今次就比我成家人都見到！大家都見到小君的男朋友係點樣啦～～