太離譜了!!!唔合理!唔公平!!無制度!!!＠惡料情報

2004-02-23 19:18:53| 人氣76| 回應0 | 上一篇 | 下一篇

太離譜了!!!唔合理!唔公平!!無制度!!!

推薦 0 收藏 0 轉貼0 訂閱站台

今日上完堂＜中外新聞史＞後，落去睇下報告板有咩新野時，真係火都離埋！！
有一張notice寫住我同埋孔明仲有十幾人的名，內容係要我地無選擇地調到星期五，第二個時段第二個人教的個班＜新聞專業電腦＞，而我地本來選科時選好了星期三上＜新聞專業電腦＞．．．點解無啦啦要比人開刀，調去一個唔係我所選擇的時間～～唔公平!

入去問下個系助教，佢的回覆係：“因為星期三個一堂爆左人數，而你地星期五個個時間係空的，所以就調左你地去．”
而最大的問題係，個一班只有４０人，但我地都唔係爆左之後的人數，所以點都講唔通，點解要我地一班先選星期三的人，去就一班遲選星期三的人？？？
選科的程序係先到先得的，所以先選到，就無理由要比人調走，否則選科當日就唔洗人人咁早就走返去，又要排隊啦！！！

而我選星期三個一科時，係第２４個，所以我點樣都係星期三呢一班的人．
仲有一個問題就係，星期三同星期五兩班雖然都係＜新聞專業電腦＞，但就係由唔同的講師去教，而唔係同一人，所以我地唔選個一個人教的個班，當然有我地的原因，而個一班無人選，就唔應該用我地呢一班早選的人去填上！！

堂呢個系助教說服唔到我地時，佢就搵過一個人幫手，個個就係我地新聞系的系務的，比系助教高一級，但佢對我地講的一番話仲離譜．．．：“本來＜新聞專業電腦＞只可以收４０人，不過因為出現左問題，所以超過左修讀的人數，個系統都無截人，而我地查過你地星期五係無堂的，所以先會調你地去星期五，而你地都要為其他的同學著想．因為如果人人都話先到先得，咁邊度可以個個都咁樣．．．如果你地個個時間（星期五）真係唔得，我地先再同個D遲選的同學去講，叫佢地去調，不過咁就會好煩，到時仲亂．而你地有工要返的，可以寫個證明來，我地盡量安排，同個導師講下多修一兩個，但而家十幾人真係唔得．．．一係咁啦～你地聽日返來加退選時就試下改選返星期三，睇下有無人改左唔選星期三啦～～先到先得咁就最好了，好唔好？？”

佢呢一番話用係一班遲選的人身上就差唔多，我地個個都係４０人之內的，真係唔明點解要我地特登去改law，既然點都要人改，點解唔叫遲選的人呢？而且前言不對後語，一陣又話唔可以個個先到先得，一陣又叫我地聽日先到先得去改選，到底邊句真？？無理由亦不能接受．

我就係選左個個時間，所以我唔會動搖的～～佢要工作證明，我咪比佢law～～

係我的，點都係我的．

主任講得無錯．．．一個本來係社工出身的人，佢的想法只會係諗到小眾，講規舉講紀律係唔得的，想法唔夠廣，只會做到得此失彼．

我要檢舉

台長：幸福小惡女

您可能對以下文章有興趣

12/12支持香港貨!

錄音

異形賴尿蝦

11/6應驗了！

人氣(76) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

回應(0)