總算捱到第二朝，Miss 走左返工後，我即刻拉埋佢張床舖，變左兩張床舖 + 一張被疊埋一齊試下好唔好訓先。唔﹗今次舒服好多，亦都順便訓多一陣添。
十點半鐘出去行，因為怕同旅行團一齊迫所以全日先行心齋橋、美國村、道鈍崛、最後去難波等 Miss 放工之後就一齊去買電話。成日行都咪話唔辛苦，雖然自己已經比平時拖慢黎行，但因為得自己一個人，有興趣既就睇多兩眼，無興趣既就掂行掂過。所以變左心齋橋來回行左兩次，美國村同道鈍崛行左一個圈，隻腳已經好似唔係自己咁。自己都有 D 收穫，買左件外套同長袖衫（唔同舖），不過就住就住，睇左好多次至肯買咋﹗期間不停咁同 Sales 講日文，搞到佢後來都知道我唔係日本人，因為日本人唔會咁煩嘛﹗仲買左兩張 Postcard，點知至記得我手上只係得 Elmo 同小群主既英文地址﹗Oh No...其他既惟有下次再寄啦﹗Sorry!!
6 點幾等到 Miss 放工，即刻去出電話喇﹗問過間最平既國際電話，佢地只係得兩隻款：一係 3980 yen 既玩具型手機、一係 13xxx yen 既潮仔摺機﹗以我今次既經濟能力，我只可以選擇前者﹗嗚…點解爭咁遠架﹗算啦﹗之但係原來外國人係唔可以買日本機喎﹗就算拎本 Passport 都唔得架，一定要本地人（即係日本人或者日本住既外國人）至可以買。咁奇怪既﹗咁 Miss 咪當係自己買，填埋住址俾佢至買得到囉﹗因為佢會幫我差埋電，同我 Set 好晒至俾我用，所以我地搵附近既地方食飯，之後至拎機。我地去左食金龍拉麵﹗原來淨係心齋橋都已經有 3, 4 間喇﹗我地去左間好多位但唔多人知既金龍拉麵食喇﹗真係好好食呀，又有飯任裝，配菜任夾，之後我地經過另一間金龍拉麵舖，見到好多人等位，而且係企0係度食添呀﹗真係蠢﹗拎埋個電話，因為行到好眼訓，於是 9 點幾就返番民宿喇﹗
今日唔敢沖涼，因為真係好驚﹗好彩成日都冇出汗，惟有等聽日去 Miss 屋企至沖啦﹗點知，竟然…
文章定位：
