噚日呢....好充實呀~由朝出到晚呀!
9點幾起身~~~11點幾返到學校, 陪阿Jessman 上八樓啦~同埋book左時間睇醫生~
呀....醫生話我喎~因為耳水不平衡~所以就成日暈....(咦~咁押韻既~), 所以俾左藥我食囉~~~都唔知食唔食好....因為我e兩日又冇暈呀....佢話唔暈既話就唔使食架啦嘛!!!!!
跟住呢~~同Jessman share左個lunch, 就去左歷史博物館個個Napoleon 既...咩呀...exhibition..中文唔記得點講呀!
哇哇哇~~~咁當然就唔及之前兵馬俑咁好睇啦!! 但係就的確都幾哇哇哇~~連佢同佢老婆用過既貼身野~即係手巾呀~襪呀~連第一次出戰既水壺都有呀...有乜理由個時e d野都會keep住架....唔係會俾人dum哂架咩??
仲有呢..個度好多畫架~真係畫得好靚~尤其係show左出黎個個pic呀!!
佢真實既size 係超~~~~~~~~~~~~~大!!!
仲要呢...佢個d 既色好..唔識講添~好真啦~畫得真係好仔細~同埋呢..好生動啦~連隻馬都真係feel到佢正在"hehehhehehh~~~~~"咁樣叫架....
又見到佢一d既全身畫啦~真係放隻手落件衫既中間度架~
我記得form 2阿何sir教我地個時, 佢話架~個條友點解成日會放隻手係中間呢~就係因為佢心口個度有撻癬,每次一打仗,佢痕, 就即係代表個場仗會贏~
但係係battle of waterloo...中文係乜呀又...滑鐵盧呀?? 好似係啦~
咁個時係冰天雪地黎架~撻癬唔痕喎~~個結果就係佢輸左喇.......
不過係咪真就唔知喇! 不過阿何sir 講既野~可以信架!!!
係喇~仲有呀...有佢老婆個d畫啦~
哇~佢好高貴呀畫得佢...幾有當時既貴氣~~不過其實Napoleon幾慘架..因為其實佢老婆嫁佢個時唔係真心鐘意佢, 只係認為佢有前途得黎又可以照住佢老婆d 仔女...唉~~真係...
呀呀~之後呀~仲有見Napo d 畫呀~原來係又月巴又矮~之後個d 好英呀~好瘦個d 畫~係呃人架!!!!!!
總括黎講~個野都好睇既! 係既就快d 睇喇! 因為就黎完喇!!
其實有d guide 帶住睇架! 但係我又趕時間bor!!我都睇到一半lor....佢地帶住係好多野聽架~不過就好慢囉會行得...我想跟佢地行架.....
文章定位：
