北京之旅—好漢篇 04-07-04
未去北京前, 個個人都話北京好熱, 形容到它像一個火爐, 又有人說北京風沙大, 一陣風裡三份一是沙, 我都完全不同意了! 北京每天的氣溫高, 但不熱, 因為天氣乾燥, 不像香港的又濕又熱, 辛苦死了; 至於風沙大, 我都沒有同感, 起碼我未過有一粒沙吹入眼!
今日我地join國內旅行團去長城, 十三陵等地 (國內叫遊一路)。尋日我地見到一間公司都有遊一路, 只係五十蚊, 包車費, 各景點入場費同午餐, 真係好抵, 因為我地坐的士都應該要五十蚊, 不過我地驚呃人, 而且又要6:30am集合, 所以我地冇報名。今朝我地九點幾先出發, 坐的士去唔知咩府, 我地問司機邊度有遊一路的旅遊巴, 個司機就話坐佢架車, 800蚊一日, 我地當然睬佢都傻, 佢之後自己壓到450蚊, 北京d人次次都開天殺價, 好煩! 我地都唔理佢, 去到唔知咩府, 一落車, 就有人向你sell遊一路, 我地join左一間, 成人要100蚊, 我地學生70蚊, 都係包車費, 各景點入場費同午餐, 未上車, 我地發覺唔記得帶DV, 我好失望架, 因為我之前洗左爸爸上長城段片, 我想拍番俾佢, 最後舵主同kevin返酒店拎, 我就留0係那個阿嬸隔離, 好似做人質咁呀! 我地十點幾先真正出發往長城。
車上有個導遊姐姐講解, 不過我都係冇聽, 訓覺緊要, 但我不否認佢係一個好導遊! 去到長城, 我地要自費$30買吊車票, 其實一d都唔似吊車, 似玩機動遊戲d車, 我都唔知可以點形容。上到長城我地仲要自己行上去, 原來長城真好斜, 每一級梯級都好高, 舵主同kevin好快就上到去, 我就行得好慢, 我覺得好辛苦架! 黎左北京幾日已經發現北京女仔好鐘意著短裙, 估唔到上長城都著短裙, 男d「人望高處」, 真係乜都睇到, 所以佢地三個都話不到長城非好「看」, 我就淨係望住地下行, 梯級唔係級級都咁高, 上每一級都要用唔到力度。最後我終於上到長城最高點, 亦是八達嶺修築過部份的盡頭, 我地可以見到未修築過的部份真係好殘, 地磚破了一個個洞, 生滿了亂草。d男仔攀過了遊人止步的地方, 去左一個類似峰火台的地方, 仲見到一張有屎的報紙, 後來佢地俾一個唔知係公安定保安鬧, 佢地三個扮晒野同佢講英文, 個公安叫佢地唔好扮野, 佢地又繼續扮晒野, 鬥雞同鴨講, 最後佢地一句sorry就冇野lu! d公安都係怕外國人! 落長城, 我地都係搭番吊車, 不過今次係滑落去, 好刺激! 滑落去速度可以自己控制, 有d轉彎位個人會拋一拋出去, 好似脫軌咁, 好正, 不過唔知危唔危險。一落地, 有個人派左一張野, 我地接過左, 就會有另一個人拉我去一個地方寫名, 我以為玩完吊車送一張好漢証書, 咁我就寫名, 之後去另一地方用電腦打名print出黎, 跟佢那個人叫我俾廿蚊, 我0個時先知要俾錢, 我有俾人搵笨的感覺!
上完長城, 我地上左一個玉石市場, 係謀人寺, 我地當然冇買野啦! 跟得團都預左去下謀人寺架喇! 去完謀人寺已經兩點鐘, 終止有飯食, 八Å一湯, 白飯同饅頭任食, d Å好bur, 炒下青椒又叫一碟, 不過我仲可以接受, 因為我面有豆腐食, 舵主話黔行d野好味過呢餐, 我以前仲以為佢膳食真係咁差, 咁睇落都唔係差0者!
跟住我地去左影視城, 呢個又係新加的行程, 當然又係謀人寺啦, 仲要係好有規模的謀人寺。那裡似古裝街, 一入去有另一個導遊講解, 我係完全聽唔明佢講咩! 所以跟住人行, 好鬼悶。第一站係一間好假的佛寺, 個佛像我諗係用塑膠造的! 又有另一個男人做寺內講解, 呢個真係衰人, 有一個程序係貼張貼紙去參觀者個身度, 佢貼完仲要0係人地胸口掃一下, 我見佢我都特登伸隻手出黎接個貼紙, 不過佢都係要貼上我身加掃一下, 真係吹佢唔漲! 呢間佛寺有一個香油箱, 我睇住真係有人會放錢入去, 我覺得因為貪心而俾人呃錢就話抵死, 但呃人地的善心, 那些呃人錢的人真不得好死! 因為我地冇心機聽那個人講解, 所以我地自己0係後面傾計, 結果我地被那個男人鬧, 後來佢叫我地上樓, 樓上有兩間房, 兩間都用黃巾遮住, 我地要入其中一間, 我走左去另一間牽起黃巾, 我見到有幾本receipt, 再望到我地原來要入的那間房有好多佛像同一個和尚, 又有好多坐墊俾我地坐, 我估今次係sell佛像, 所以我地即走, 有個人叫住我地, 話門口係房另一邊, 我地扮聽唔明走番出去, 見番頭先那個咸濕佬bear我地, 阿良話想睇下佢個staff no幾多號, 投訴佢, 最後我地當然冇咁做啦! 去完假寺廟, 之後去妓院, 那個媽媽生真係好似, 叫我地上樓, 不過要俾一蚊, 我地問有冇美女, 佢答當然有啦, 包你滿意, 又撥「恆」把大葵扇, 動作造型都值滿分! 我地俾左一蚊上去, 上面有兩個人扮妓女, 又有兩間房, 佢地話可以俾兩蚊影相, 不過我地冇俾, 但就怒影相。離開妓院, 去睇皇帝選駙門的戲, 唔通止睇, d男仔仲有機會被選中做駙馬, 佢地三個都中獎, 但要玩原來要俾四十蚊, kevin冇玩, 阿良同舵主乖乖地咁玩, 雖然四十蚊幾貴, 但呢part真係好好笑, 我地有拍DV, 大家可以睇番! 可以見到佢地兩個點調戲公主, 又睇到d公主一擰轉面點變臉, 大家真係要睇! 睇完, 再睇多個雜技表現, 就離開影視城。雖然呢間謀人寺謀左阿良舵主幾多錢, 不過我就睇得好開心喇!
之後去十三陵中最唔名的昭陵, 真係冇乜野睇。
之後我地去謀人寺三同四, 一間賣乾果, 一間係四合院, 不過係藥的。走時, 風雲色變, 天黑晒, 落大雨, 結束了今日跟團的行程。我地落車時, 真係幾開心, 因為終於玩完鴨仔團, 唔駛再被人趕來趕去, 尤其是影視城內係有人呼喝你行來行的! 回復自由身, 我地又搵野食, 今晚我地諗住食兩間, 第一間係都一處燒賣, 顧名思義, 這間野以燒賣出名。那裡人多, 我地要搭䒷, 竟然搭中一䒷香港人, 佢地係一對情侶, 讀poly的, 一個yr1女仔, 一個yr3男仔, 佢地一定係ocamp識啦! 個女仔好靚架! 個男仔就……食完燒賣, 再食小籠包, 間餐廳~名我唔記得lu, 不過d小籠包幾好食, 真係有好多汁。
食飽, 我地去大柵棚行夜市, 我冇買到野, 佢地就每人買左一件功夫衫, 佢地話新年著喎, 阿良同kevin仲每人買多一件旗袍俾自己女朋友, 佢地一人一隻色, 好似五星戰隊咁! 佢地新年一齊著出黎就真係搞笑喇!
今晚歐洲國家杯總決賽, 葡萄牙對希臘, 我地返酒店等到1:30am再出去唔記得邊度落bar, 因為hea得太耐, 我已經訓著, 不過佢地個個都去, 我又怕一個人0係酒店, 所以都係跟埋佢地出去。我第一次落bar, 原來好貴架! 我order左杯fruit punch, 佢地飲半打嘉士伯, 因為未開波, 我地玩大話「息」, 輸左要飲啤酒, 已經每啖飲好少, 結果都要飲半罐。後來開波, 舵主話飲完酒好眼訓, 仲訓著左, 其實場波都幾悶gei! 最後仲俾希臘爆冷贏1:0, 我冇乜感覺, 因為我都冇捧邊隊。睇完波先返酒店訓, 當時已開始天光了!
文章定位：
