24h購物| | PChome| 登入
2003-12-31 01:32:15| 人氣21| 回應0 | 上一篇 | 下一篇

12月29~30日-忙碌+無聊

推薦 0 收藏 0 轉貼0 訂閱站台

星期一:一個幾多野做的日子。今日地理大測但係因尋日睇左個超白痴ge頒獎禮到3:00。浪費左咁多時間係個白痴頒獎禮上,覺得好後悔。訓得4個鍾就返學校測驗,極無精神,而測試範圍仲係我最唔掂的丙部,死得。測完後仲要去中環參觀乜乜重建...時間十分緊迫,無時間食飯,仲要去到企成個鍾...睇完後,我一個人先走,搵ewing報仇。事緣佢早兩日係我屋企連win左我四場win7,之後割禾青。所以今日我踢上佢到,諗住割返佢禾青...點知loss得仲勁。我地打到天昏地暗,打到爆晒粗,又dum晒地。搞到大家都唔記得自己未食lunch...到左7:00先落下面食野,跟住先返屋企。不過今日都係輸多贏少,但係又玩得好鬼死開心wor。返到屋企仲睇左今期小新,haha..好好笑!!經過今日又測驗又大戰...好累。
星期二:訓醒一開個電視就睇到梅艷芳死左....我心諗,乜今年發生咁多事嫁,死親個個都係大人物wor。我一路開個電視就一路不停播梅艷芳ge死訊,我諗我都睇左不下廿次了...之後我掃地,拖地,洗碗....不停做家務去消磨時間,因為今日真係好悶。雖然今日好想溫書,但係扲左d書出黎又無心機睇....唉。以家我又再一次發覺無學返的日子好難捱,我真係要好好珍惜以後返學ge日子啦。時間一分一秒咁過,又比我浪費左一日啦....

我要檢舉
台長： 豪仔
人氣(21) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文