今日陽光普照，朝早食左個杯麵後就精神奕奕咁出發去國中之國摩納哥。阿Sam話摩納哥有賭場，亦有好多有錢人o係度渡假，所以入去LV買袋都唔係太難，閒閒地都幾個返出黎。我對呢站亦有相當大o既期望，所以諗住博下唔用passport買喇！
摩納哥只係o係尼斯隔離，搭火車只須二十分鐘。唔知係咪因為個地方有錢，所以連個車站都靚 d。通街o既的士都係Benz，個遊艇碼頭 d 水藍到不得了，真係一個人間天堂！我同Cindy又係第一隊入去，慢慢行條斜路上去搵間shop，有左羅馬o個次經驗後每次都好驚搵唔到間shop，要行冤枉路。好彩今次問下人之後都好快搵到，我地深呼吸一下扮晒好開心好 relax咁就入去喇。
入到去都有少少不祥o既預感架喇……因為我地行左兩轉都無人黎 serve我地(係無人黎，而係無人喎！)。而個sales更加o係度撩手指甲囉，勁串！跟住Cindy有個好好o既男sales serve佢，咁我自己就繼續慢慢睇，終於叫到個面口勁衰o既女sales比袋我睇喇(因為無得選擇)……我揀左一袋一銀包後佢就叫我show passport，我話本passport o係Hotel所以無帶，咁佢就唔比我買啦～我話我同個fd一齊黎，睇下佢有冇passport先。跟住行去Cindy度，佢有show passport，但勁串sales依然唔比我買，OK，咁咪算囉！本來我都仲扮睇下 d袋，點知個勁串sales 拎拎下袋比我竟然走左去，仲要係除埋制服走出門口。咩事呀？粒聲唔出走左去？就咁掉低我o係度傻下傻下咁……之後我都嘗試問下個manager係咪無passport唔買得，佢無端端又叫我揀袋比錢喎。正當我比錢之際，佢又叫我show passport……喂，我咪同你講左無囉！係我英文講得唔好定係你接收有問題呀？我話No passport喎，跟住佢咪話：No passport？NO！既然都試左兩次，咁我就安份守紀坐o係度等Cindy喇。
突然，有個唔知o係邊度冒出黎o既Manager走去Cindy度，話唔比佢買咁多！Cindy個Nice Sales仲幫佢講說話，猛話How come？佢買野送比人架喎之類。點知Manager連個Nice Sales都鬧埋，最後掉低一句”You can Buy One or Nothing”(記住！個One字聲調有少少提高，面口勁串！)比我地……show埋passport都仲係買得一個，兼且仲要好似乞咁，我同Cindy最後都話OK，Fine！就掉頭走……之後影相都無晒mood，白白浪費左呢個咁靚o既環境……落到去見到阿Sam就即刻訴苦啦，佢都好驚訝今日 d sales咁串，佢仲好驚全軍覆沒添！佢叫我同Cindy返去尼斯間shop試下，我同Cindy都即刻捱住肚餓搭火車返尼斯喇……尼斯遭遇又點？d sales又有冇好d？睇埋下集啦！
成街都係名牌車，咁靚o既環境下受辱......
文章定位：
