e-po͘ 出門 ê 時，經過，伊 tú leh khùn-tàu。àm tńg-lâi，lâng sī tshéⁿ—ah，m̄-koh，猶 koh leh hit-tè 椅liâu 頂kuân 坐。
伊 ká-ná tiāⁿ-tiāⁿ tsiú tī tsit-tè 椅liâu，kám-sī 驚 hō͘ lâng 佔去？
雖然，伊 bô tuā-sian，beh tú-hó té tī 椅liâu—nih，mā bô可能。
kha kiu-kiu，bē tshun-kiu，掛 tī 扶手，kui-ê lâng ká-ná 騰空駕霧。
伊 khùn ê 時，親像神遊太空。
tshéⁿ ê 時，se̍h-se̍h-liām，m̄ 知iáⁿ leh liām siáⁿ-huè。
tsit-tsūn tú khùn 飽，kám ē tsuân án-ne liām kah 半暝？
想 tio̍h tō 艱苦。
guá 相信伊絕對 ū 滿腹辛酸，m̄-koh，伊 ê 一生 kám bô 別个出路？
tō 算 beh 做羅漢kha，應該 ài 雲遊四海，ùi 頭 kàu 尾 tsiú 一位，kám bē siuⁿ bô聊？
文章定位：
