Tsit-tsām 舊冊局值得收 ê 冊 oh tshuē， guá 想 bô͘-tiāⁿ khah 價值—ê， 早 hông 收了了去。
Kán-ná sa sasimih刀 tsi̍t-ē kā siōng 甜肥 ê bah liô—落，tshun tsi̍t-kuá sap-á、骨 kap 皮 tiàm hia hàiⁿ leh hàiⁿ leh。
原來 guá 是壽司師傅，目光真 kim，知 tó-uī 滑溜，tó-uī iù-sap，落手 bô 躊躇。
看 in kui 間 hiah tsē ê 冊，可能 lóng bô siáⁿ-lâng beh tih，khah phaiⁿ 聽 kóng to̍h 是 kui 間 pùn-sò，金礦 kiau 石頭本底 to̍h 金á tsió，石頭 tsē，若 píng-tó tńg--lâi，石頭顛倒 ē khah 價值。
做舊書局 ê lâng m̄-thang siàu-siūⁿ ka-tī 是文化lâng，kā 冊價 khui kah kuân-kuân，m̄ 是 ta̍k 本絕版 ê 冊 lóng ū lâng 寶貝，雖然 kóng 物以稀為貴，m̄-koh，bô͘-lâng 愛 ê mi̍h-kiāⁿ án-tsuáⁿ tsió mā kâng-khuán bē liang。
做壽司師傅 kap lia̍h魚á—ê，bô kâng-khuán，壽司 ài 留魚好tsia̍h ê 位，lia̍h魚á 一隻一隻 lia̍h，ó͘ 金礦一定 ài kang時 kā 石頭來 ó͘ ，汗流 kah kui 身軀，mā bē-īng kóng sī 浪費。
若明明是 leh lia̍h 魚 suah tòng ka-tī 是 leh 做壽司，án-ne ngē kā 魚刺做壽司，he to̍h 了然—ah。
文章定位：
