二零零三年十二月十六日, 我二十歲, 大膽假設我有八十歲命, 即係話我既人生已經過左四份之一, 係時候回顧一下 ... 太細個既都唔記得, 之不過, 有三件事, 我係覺得豈我呢二十年以來, 算得上最遺憾, 亦都係最後悔既, 放左豈個心入面好耐, 係時候要清下佢, 免得我將來唔記得, 寫左出黎, 他日可以睇番 ...
第一, 浪費左中一至中五
足足五年既寶貴光陰, 我份人最憎就係講如果, 但係我心入面, 都係有呢個想法:如果我無浪費左咁多時間, 我今時今日唔會落得如斯田地, 如果我可以將我中六既諗法套用豈我中一, nope, 可以話中三, 我就足足有幾年去發展我既學業, 我既co-activity, 如果真係既話, 我會有另一番光景, 我唔再會放眼趙中, 放眼元朗
亦都唔會另到我要 repeat 中五
第二, 我 year one 上左支咁既頹莊
當一個人豈意識唔清醒低下做既決定, 大部份都係錯既, 我今次亦都係一樣, 我做左一件唔理智既事 - 上左 social dynamics society 呢一個莊. 理由: 其一, 我組織既班子完全有問題. Form 一個team, 最基本既要求就係每個人都至少要有同一個理念, 只有咁樣, 大家先可以產生共同向目標進法既念頭, 可惜, 對於呢一個我所組成既, 十三個人既班子, 連呢一點都無, 十三個人入面, 我敢肯定, 得一兩個係想個 so. 好, 其他既, 都不過想入黎 hea, 佢地有少少問題, 因為佢地連呢個so. 係咩黎都唔知, 咁就上左呢支莊 ...... 不過, 最大問題果個, 唔係佢地任何一個, 而係我自己. 我果時上, 都係因為本住呢個 so.係頹 so. 無野做, 唔會對學業扣成影響, 又可以等我多d 接觸到政治政黨, 好似幾好咁 ... (仲記得呀生後來提醒過我分清楚"好勝"同"爭勝"呢兩樣野, 我至明白之前做錯左d 乜) 好明顯, 果時我係屬於前者, 我同過果時既自己講, 就算我入左 associate, 我都唔可以輸比任何一個 degree既人, 我都可以上莊, 可以做 part-time, 可以有好成績. 我依家睇番, 世估唔到, 原來我都有咁唔理智既時候, 做埋d 咁不顧後果既事, 我竟然可以因為我個人既私心, 而去做一d 可以影響人既事. 依家睇番, 發覺我根本唔可以容忍同一d 咁唔主動, 咁passive 既人去辦事, 我原來一d 都唔接受"頹", 我成日都諗, 一係就唔做一係就要做到最好, 但係 ......點解我會做左個咁既決定? 組一個去 match 我果時成日諗住頹既team ? 我連累左佢地十二個人, 個society 百幾個人, 同埋我自己. 如果可以既話, 我會講, 我一定唔會form 呢支莊
第三, 中七果時我傷害左一位朋友
中六七果時我個人好 hill, 可能因為我番左趙中, 可能因為我覺得我已經係全校最有權力既其中一個學生果時好唔識諗, 有一位朋友好多時都會同我夜晚一齊去溫書, 日子耐左, 我比左錯覺佢, 以為我會同佢豈埋一齊, 果時我都有諗過, 可惜呢個念頭只係出現左一瞬間, 我只係諗我會係佢呀哥, 亦都以為佢知道我諗乜, 就係咁, 呢段(我以為係既)兄妹關係持續了好一陣子, 後來, 豈校園入面開始盛傳我地既關係, 我d 同學仔, 個個都係我面前講d 是是非非, 有一次 lunch, 好多同學豈SU room 度食飯, 佢地豈我一個果時好鍾意既女仔面前講呢件事, 豈果一刻, 我終於都知道, 我做左一d 我唔應該做既野, 我唔應該同果個女仔咁 close, 咁樣會比人錯覺. 自從果次之後, 我開始對佢有d 保留, 開始避開佢, 到後來, 我仲閃走左 ...... 依家諗番起先發覺我果時太唔負責任比著一個普通 friend, 無啦啦閃左人, 好似之前唔識咁, 見到面又好似面左左咁, 感覺真的很怪, 我果時仲睇過佢既 online diary, 但係我都好似睇完就算咁, 無在意過d 乜野, 我傷害左佢, 對於果時既一走了之, 依家諗番起, 感覺硬係怪怪地, (mandarin)感覺總是怪怪的! 之不過, 我又唔識去做d 乜野, 去補償番我既過失. 依家諗番起, 原來我會因為自己既面子, 學業, 而唔理人地既感受, 我會因為我成績差而唔去追果個我好鍾意既女仔, 我會因為人地既閒言閒語去而選擇逃避一段(友誼), 放棄一切去攪清楚件事既機會, 不顧一切咁放低哂所有事情, 一走了之, 我果時就係為左我以為我會有
1B3C 而結果只係得3D3E 既 A-Level 成績而去放棄哂一d 我果時以為無關痛癢既事 ...... 我發覺原來我豈處理感情方面, 真係一個大白痴 !
大概, 現在的我, 對於這種種事項, 也只能作出深深的婉惜
講番今日我二十歲仔生日, 一踏正十二點個電話就響幾次 miss 左幾個call 因為我晨早就訓左, 點知有個 call 整醒左我亦都係我接聽既第一個生日快樂 ...
果個人就係 vicky , 哈哈, 白痴呀, 佢唔係第一個打比我都做到我二十歲生日第日個同我講生日快樂既人, 真係咁o岩得咁 Q 之後就係 barbie 打比我啦 ~
9 點幾先起身, 開番個電腦個 mon. 嘩 ! 感覺好似比人咋 ... 幾廿個 msg send 哂過黎個個都係生日快樂, 又大一歲 ...... 好 learn, 不過我又好受喎 ~
hehe ~ 真係好開心, 因為大家都 care 我 ~
沖埋涼, 十到尾先出到元朗圖書館自修室搵 create 溫溫下, 呀虫又黎埋 ~
lunch 去左茶餐廳食, 打番比 vicky 同佢傾左好一陣子, hehe, 同佢傾計都幾好架因為佢都short short 地, 好攪野呀 ~ 之後仲去埋 Game-station 打機, 打左幾廿蚊, 上左樓上千色行, 睇下 d mp3 機, 睇下衫褲, 仲買左個指套添, 跟住入左 A-Look 試眼鏡, 嘩 ! $600有副我咁既度數咁太陽眼鏡, 都仲有找 ? 考完試實去配啦 ~
好多攪鬼野, 包括陳慶玲同七琳打比我同我講生日快樂夜晚落下買飯撞到豬dull ... 自修室又見到西瓜 ......
就係咁, 我正正式式踏入二十歲
進入我人生另一個階段 !!!
文章定位：
