尋日堆沙比賽完既lunch時間，我坐係樹下休息，跟住有個弱智人士行過黎我度，佢係參加展能組既界別既，見佢拎住d麥當勞勁論盡...我咪幫佢囉...之後佢就坐係我隔離食野。
幫完佢我咪繼續坐係度休息囉，冇理由走開咁衰嘛..之後就聽下佢講野囉，佢地好鍾意講野..雖然真係講得好唔清楚，但我都嚐試去聽，之後聽到d咩就同佢講番係咪xxxx呀？跟住佢就好興奮咁繼續講，連野都唔記得食，咁我咪叫佢食野先囉，佢就話阿sir話唔可以食咁快，仲話阿sir請晒佢地弱智中心d人食野..我見佢真係好易開心..做人簡單真好！
之後佢又同我講佢個名..又叫我義工姐姐、黃金海岸姐姐同堆沙姐姐...哈哈...
跟住阿雀打比我，問我做咩同佢咁好傾？ 佢話佢都聽唔明佢講咩wor..哈哈..佢仲話我真係勁，吸引唔同類型既男士咁話wor...=.=
咁我覺得同唔同既人講唔同既野je，冇理由因為人地弱智唔理人...同埋佢地好鍾意同人講野，我地唔應該抗拒同排斥佢地，反而應該幫助佢地建立自信，唔係咩？
文章定位：
