1.被他教訓:「你知唔知道你飲完酒之後係會變成另一個人?」自覺極度瘀皮，不過我既然神智不清，又點會知自己做/講緊咩呢…? 唉，又唔飲得，預計唔到自己酒量 (可以因為半杯Long Island而爛碎…超白痴)，成日貓…唔可以再比自己咁樣!!!胡亂既事一次就夠，我唔會比自己有下次!!!決定唔飲酒，即使Clubbing!!!
2.估唔到既係我同佢之間既「business」竟然因為件堪稱低能既事而中止。而他的explanation實在令我大惑不解，不過whatever啦，唔想去諗，佢話無咪無囉，我亦無謂同佢扣帽子，夠!
3.被人迫搞Grad Show…仲要臨開前一個禮拜先叫我搞…冇$搞，無時間準備，亦無興趣搞，可以預計到個結果係… 朋友們如果賞面參觀既話，千萬唔好對我個booth抱有任何expectation…
4.由於d穀種已經比我食晒，所以而家既境況可以話係「窮到PK」。雖然對於錢我從來都唔要求多，但我發現自由係要用錢去backup的: 冇錢你做好多野都會被tied(甚至想出街都會因為八達通負左$而出唔到)。好多謝好多想support我的人，但我真係唔想成為任何人的burden，even我屋企人既錢我都唔會用… 好在前排又「燃燒青春」賣左幾日i-pod，天呀求下你快d出cheque啦!!!
5.王丹<<沒有煙抽的日子>>: 「手裡沒有煙，那就劃一根火柴吧，去抽你的無奈……」看!窮亦可以窮得好詩意的 (雖然我係唔食煙的)。My version: 口裡沒有食物，那就吞一啖口水吧，去吞你的無奈……(簡直係苦中作樂之王)
6.去石澳，以為應該幾好玩…但結果係﹕對住三條全程齋訓既死魚 + 一個爛女人! 我同愛妻只能夠自己natural high --二人發巔於海灘「好有青春活力」地「跳躍」同埋玩「得意Duplicated B」。對於個日既總結﹕其實個「阿希」可唔可以唔好再意圖搞gag???佢講既笑話係一．D．都．唔．好．笑!!!
7.看到「爛女人」，慶幸自己都只係比較粗魯啫，而唔係「爛」，起碼唔爛口，亦唔食煙，亦唔會開口埋口「執幾擠」…而因為見到佢咁，我更立志要improve自己，至少唔好失禮自己，謹記「面係人地比，架係自己丟」呢句話。
8.感到自己最近身同心都比較墮落……shame on myself……對近來「Messy and Nasty」的自己，慶幸只係輕輕踩左一步入去，仲可以救得番，我會反省。知道對自己的原則同要求一定要堅守，因為降得一次，就會有下次，萬劫不復。有睇我diary的好朋友，請你地見證我響呢度對自己make a promise: 我一定會堅守我的原則，我唔會再比自己depreciate!
9.祝賀「我的心愛」Lit搵到好工同好仔!簡直財色兼收! 不過愛妻，你玩完要知定番屋企啊~!
文章定位：
