絲打後花園 活在一個壓迫的小城，一個界於世故與不世故的80後，需要一個出口，吐苦水，聊家常。

1愛的鼓勵 0訂閱站台

今日是2010年11月28日
一早就被阿妹捉左出大陸
買衫仔wo
買完, 食埋中午飯, 反到屋企已經點幾
話唔攰就呃鬼你
但係還好啦~ 
已經好過好多同學仔
我諗仲有好多係到同聽日deadline 戈份報告係到戰鬥緊
我做得快, 我sure 唔係因為我做到求其
而係因為我好早就可以做
只係我識得將d 工作分開黎做
並唔係因為我係超人
話時話, 最近肥左好多
今日照鏡, 見到肚腩
真係肥到好似羊腩煲戈d 咁
唔可以咁架 !
我唔可以比自己咁墮落 !
我一定要瘦 !
我要回落 !
無所不用其極 ~
原來, 當一個女人
要立志減肥的時候
那股精神力量
真的不是常人能夠理解的
而且我仲要開始減定肥
因為三個星期之後去台灣
一定會肥好多咁返黎
而家減定都差唔多~
連續食三個星期的麥皮
唔知得唔得呢?
仲要日日帶刀仔去散步 !
尋日的羊腩煲將是我這三個星期內最好的一餐
未來的日子
我又要過食垃圾的日子了
再係咁肥落去就無人要架啦