禽日同個朋友傾開, 佢大致上係話我呢個人好易同人有磨擦.... 呢個我都明, 因為唔出聲時真係口黑面黑, 開口又易講錯話..... 同我熟稔的固然冇所謂.....
人際關係呢方面在下一向唔太擅長, 自知容易講錯嘢得罪人, 所以盡可能避免沖突, 就係少啲講!當然, 盡量以和為貴都係在下嘅大方向. 所以可以講又唔傷大雅的話都會講.
另一方面, 就係唔識同人講嘢, 唔太識得接話(當然係視題目而定). 奈何在下的確對好多時下嘢既不追捧亦無觸覺, 簡直係一種代溝.
而人方面, 好多時會為咗唔好干涉人家(要睇下自己乜身份先嘛)而迴避話題, 我覺得並非不當, 不過別人眼中會唔會係=冷漠, 就真係自己控制唔到. 我阿媽就肯定話係我錯, 不過一個喺外地住慣咗嘅人都會係咁.著重個人(包括別本身)私穩..... 畢竟香港人多地少, 樓上係咪日日打牌隔住咁大舊石屎都知. 所以啲人先話香港人熱心,真係有其道理.
咁,我重算唔算香港人呢?
文章定位：
