(對唔住，其實，上一篇我所表達的意思並非是我想轉讀副學士課程，只是我覺得那兩段新聞有給我的感覺有點奇怪，所以拿來開下玩笑而已。引起大家誤會，唔好意思。)
唔知係咪因為年紀輕，閱歷少，成日好撚多野都睇唔順眼。
最近都幾多不如意的小經歷，或者外人睇係小事一樁，實際上我又睇得幾重。
有鱓野，我覺得好重要。例如我覺得遲到、放人飛機、不斷追問我問題、發我脾氣、無理取鬧、杯葛、針對、擺款、說話時強調自己地位、接受不了別人立場、約出黎食飯十問九唔應等等，都是我不能容忍的。
然而，我最近又不斷在想，我有沒有曾經犯過同樣的事？有沒有衰過一兩獲？有沒有律己以寬，待人以嚴？有沒有屌爆人時沒有顧及人感受？有沒有寬容別人過錯，給予人改過機會？有沒有強加自己的價值觀於別人身上？
屌，真係諗爆頭。
遲到－有合理理由當然無問題，但係唔好當老奉要等你。(十分鐘可以接受，遲多過十分鐘唔駛旨意將來再有機會出街)
放人飛機－基本上，我真係極度憎惡放人飛機的人。又係個句，有合理理由當然可以接受。(病呀、跛腳呀、肚痾呀咪合理囉)但係，我覺得放人飛機如果唔係事前幾日通知定，即使你係道撚曬歉，喊撚曬口，我都覺得你好唔尊重人的。
不斷追問我問題－如果唔係對住靚女，基本上我o既耐性係有限。連續問我做乜？幾錢人工？(至憎人問我幾錢人工)係邊度返工？份工邊到搵到？可唔可以介紹我？不如你辭職俾我做等等，一連串有完沒有完的問題，都會將我o既情緒壓到低點。其實，有無咁撚多野問呀？
發我脾氣－簡直係死罪。首先，因為我都脾氣大，而我發脾氣時唔會兜口兜臉屌爆人，最多谷爆自己個肺。但係，唔知點解，身邊鱓女性，包括我老母，一鱓十年唔見面一通電話就發爛渣o既朋友，講錯半句野就黑撚曬口面o既知己。我唔明，係咪又係我錯？其實發脾氣係女人眼中，係咪佢地的公民權利？點解，每次發親脾氣，都係男人受罪，女人就等男人琑？今日老母發脾氣話我唔做家務，話我人渣，話睇見我兩兄弟就火滾，我立即爆炸，我忍不了。媽的，怎麼別人發自己脾氣，我好像要應份去忍的？當我連老母發脾氣都屌時，臭脾氣的某些女人，又有乜論據可以說服我要忍你個塊比屎更肉酸的臉孔？(我返工時會扮死狗的，唔駛擔心我仕途，多撚謝關心)
無理取鬧－話明無理，唔駛解釋啦？
杯葛－我其實未見過男人杯葛人的，女人倒見不少。曾經我好憎一條友，而我身邊的朋友又認識他，我都會告訴他們，你同佢傾計，玩埋一齊，我唔介意架，我可以分得好開的。但我就唔喜歡主動杯葛人，大佬，除非條友係天生麻撚煩，如果唔係，做咩要咁陰功咁樣做呀？最多咪自己疏遠佢，駛乜去慫恿人地去遠離佢呀？
針對－有鱓似單打。即係講野總係唔係正面批評，而係旁敲側擊，對住空氣說話但是茅頭總指覑人的。這種說話方式，師奶愛用，女友愛用，小人愛用。對住他們，如果俾佢地呈口舌之快，條氣會chuk 住chuk住，所以，遇到他們，我會秒殺他們。(例子：《第二悲劇城市－屯門》)
說話時強調自己地位－例子有，出來做事的人覺得學生哥不懂現實、屋企有錢睇唔起窮人、考試成績好看不起別人、高官看不起議員等等。假設做人可以因為自己的地位，資歷而看不起人，這樣，實在是自卑心作崇所致。對覑這些人，我反而不會生氣，因為，對住自卑的人動氣，就等於生小朋友氣般，一樣幼稚。
接受不了別人立場－除非是有人說殺人是無問題，或強姦是無錯的，否則，我也想不到理由去完全反對別人的立場。雖然，我討論時會覑力說服別人，表達自己的意見，但是，我唔會因為意見不合就火起，或動怒的。我曾經聽過一位同學的人生金句，佢話：「呢個世界每日都有人趕住去發達，每日都有人趕住去死，我唔會阻人發達，亦都唔會阻人去死。」我覺得這幾句饒有禪意，對住那些自卑撚，這幾句絕對能令自己看化世情。
約出黎食飯十問九唔應－其實約出黎都係想傾下計，輕鬆下鎹。我屌，又唔撚係講錯野，又唔撚係得罪你，做乜撚野十問九唔應呀？你又唔出聲，我又唔出聲咁坐係到好無？大家面對面係到打坐好無？仆你個街，問你一句，你唔答。轉頭問返我：「你講左鱓咩？」我係咪要答：「問你拜左山未呀，軃家鏟，弱聽就買個助聽器啦！」
最後，我只能說，包容之心，乃融洽相處之要旨。(我講出黎係咪好無說服力呢)
但是，包容之心，只需放在一些你認為值得重視，與你喜歡的人身上。
其它那些阿豬阿狗，十年都講唔到一句野，被迫住起埋一齊活動的人，有咩得罪，我只有一個建議：將佢地人道毀滅吧！
《一堆臭文字》系列：
《一堆臭文字－理論篇》(1)
http://weblog.xanga.com/adrianlu1026/665663728/1996822534332612599123383652932970235542316871.html
《一堆臭文字－現實篇》(2)
http://weblog.xanga.com/adrianlu1026/665696473/1996822534332612599123383652932969423526316872.html
