ICAC 8/26/2003
今朝清閑
下午就：好忙、好忙呀，多事！好忙、好忙呀，多事！
點解會咁黑仔架...話說有村代表選舉(雙村長制gor隻)，通常都係民政處d公務員幫手，拎返time-off，但20/7因為唔夠人，叫左三個contract staff幫手，一個係我，一個阿詩，一個係已經走左ge AA Maggie
話說當日諗住賺返d time-off等見工可以請time-off就得，點知點完兩條村，點緊第三條就比人叫左去點另一䒷
過到張大䒷，諗住再點多一條就走得，點鬼知未開箱已經好多人係欄杆後面，都冇乜所謂，咪點啦
一開箱先係四個連組長數票，結果數左兩次連counter chk都係同polling station個數差一票，開始加入多一組，report左就開始Q票(questionable ballot)，將d意願不明顯或者冇印到ge q出黎，q左52張，送過去判，結果52張均被視為廢票，送返過黎放埋一邊，兩小組咁分1號同2號啦，分呀分，分完就各自10張一疊咁數，數完同對面counter chk，第一次兩組加埋個數雙方差一票，即刻知道大鑊，報上去啦，當然要重數啦，小組入面一對同另一對掉轉數，再由對面counter chk，結果都一樣；之後兩組ge票掉轉數，10張一疊再數，再同對面gor個counter chk，一樣，同組一對同另一對再掉轉數，再counter chk，結果都係一樣..........
中途已經起過兩次身睇下身上或者點票台附近有冇票，咁梗係當然冇
結果都要宣布結果啦，執野收工
輸左gor個當然有籍口唔服氣，四圍咁投訴，包括HAD HQ同ICAC，今日下午接到通知聽日下午要接受ICAC問話，去香港gor邊ge office，唔知有冇咖啡飲呢？又唔知成個過程會幾耐呢？
聽日返黎話比大家知呀！
唉，都好ge，當去見識下囉，不過一定冇得影相呢，哈哈
今日發現左樣唔開心野，就係坐我隔離ge Calli(打字員)好多時冇野做，但做左咁耐而家已經兩萬幾百蚊一個月！離譜，我都多野做過佢，又辛苦過佢，我得九千，佢有兩皮幾！豈有此理？根本同工都不同酬...........心灰，令到我越黎越冇心機做，越黎越想走，有邊個肯請我，人工又唔太差，又學到野，我實轉，離開呢個鬼地方！(雖然好多時好輕鬆，但完全學唔到其他野，只係學到點縮，學到點拖，學到點蛇同準時返工放工)唉.....................(長嘆)
文章定位：
