我有時都覺得我係比較幸運的一羣,我慶幸我可以原校升中6,我對於我有2個B自豪,不過我想同大家講,成功非幸運,我係f.5個3個月(1-3月),我估係我呢一世人對學業最認真,最緊限的時候,有時由宜家望返以前,真係幾服自己,點解個時有衝動去溫書,可能因為剛分手,冇咩野做囉,不過都好,真係俾到好多時間我要面對會考,未考過會考的人,會話會考真係好易,我係指成功個d,係鬥做past paper的比賽,對呀,我都係覺得係咁....呢個就係現金hk的教育制度的一大溜動,係一次考試定生死,唔成功個d就係失敗者,講真,12萬人考3萬,真係幾苦....
記得人生的的第一次公開考試,係喇沙書院考,IT,講真,我對呢科真係冇咩期望,我智在感受下會考氣氛,同嘛同人講你讀過IT,幾cyber,個早約左虫去食早餐,真係好好,第一次都有我好朋友陪,好在唔係第一次入喇沙,都冇咁怕,第一份做question,嘩,我自己覺得爆難,之後又急屎,都忍住唔去,最後都有去,係我學的老師同我去....之後take break,又同自己學校的人傾呢科...之後我記得係同阿虫去左踢波...
放榜前個日,講真,我係爆怕,個日係係學校BBQ,個日聖芳濟係最靚,我都知個日係大家以聖芳濟學生的身份係我地家,個時其實大家都對自己的分數心裡有數,因為毋一日學校已經俾左估的分我地,不過個時我已經feel到唔準,那邊廂簡少講自己有冇6A,那邊廂周烽係度諗自己有冇full cert,還記得離開學校前,奧雲籃住我,個刻真係好感觸,我好怕離開呢個5年的家,到別的學校去,更怕失去我呢班朋友陪我過學校生活....
放榜當日,冇應約食早餐,因為想俾自己多d時間訓,之後返到學校,大家都係下面等,第一個同我講話我得左係副校長,佢話我有16分,個時我都唔係太信,不過到左校長咁同我講,"鄺石,你出貓,咁勁,16分,俾心機讀嘛佢"個刻我就信,好開心,之後咪第個打俾BOBO,原來佢30分,好似x左冷水咁,不過算喇,大家都係出乎意料之外,之後dickson陪我出去找染髮野,BA要我染返黑色....到左註冊時候,個時見到樹熊,佢13分,欠一分,係出面等緊消息,唉,見佢留下男兒淚,真係唔知點,之後再去左9龍塘陪阿衍找學校,佢得8分,咁找學校repeat,個時同佢坐的士找學校,佢問我幾多分,我話16,佢即刻籃住我,個刻我係真正比人公祝,好開心....晚上,大pat係我留言板留言同我講公祝,都很好....
想不到一年的時間咁快到,會考開始左,講真,大家的準備應該到左直路,希望大家可以發揮好好,得心應手,阿衍,我今年都會陪你找學校,不過係找一間更好的學校....
文章定位：
