因為今日要比賽，所以７點幾就起左身洗面換衫出去啦，去左食一個早餐，食完之後就去左Ｍ記搵亞樑同ｓｉｍｏｎ佢地啦，之後就一齊行去新元朗中心搭西鐵去美孚，之後再搭地鐵去太子啦，落車先見到牙去簽佢地，之後再一齊行去等佢地，到左見佢地又未黎齊，所以就去左行一陣金魚街啦，哈哈，係到睇魚，好似成班自由行咁呀，行到差唔多就行番去搵佢地啦，之後齊曬人就一齊去比賽啦。
去到換完衫就搓波啦，搓左一陣就差唔多開波啦，到左開波，唉，平平無奇，個個又唔出聲，打完一球又無咩士氣咁，得我自己係咁嗌，佢地個個又唔係打得好好，又唔習中，唉，對手弱姐，如果好ｄｄ，我地就會輸，唉，話佢地又唔係，唔話又唔係，就算打完一球勁勁地既一球波，都好似無咩特別咁，無咩表情，打波點會咁嫁，就算唔係我打，我都覺得好高興，因為全場人睇緊我地打波，都係想睇到我地打波既樂趣姐，唉～一齊努力加油啦。雖然入左資格賽，但係下次要再打好。
以上只屬個人意見，如有何問題，請見諒。
第一局２５：１８
第二局２５：１７
之後就搭車去友愛再打波囉，搭車個時吹吹下水，就講一ｄ今日比賽既野囉，唉，開頭大家都提唔出問題係邊到，之後講講下就去諗點解決，大家都開始有一個共識係到啦，之後就落車去食野囉，食野都冇咩問題，但你ｄ野飲就死得，又唔甜，之後亞樑咪叫人加糖，點知佢睇到杯野有ｄ野，原料係甲蟲腳呀，救命，之後我都唔飲啦，勁污糟，xｘｙｚ佢呀，以後都唔會去個到食啦，頂，諗起都想嘔。
之後就去左打波啦，因為ｄ女仔要練波，所以咪搓波囉，大話話搓左成２個幾鐘呀，哈哈，打得勁好，我地２打２，又打到，又守到，又攞到ｄ放波，又有出聲，哈，之後係咁勁打囉，哈哈，搓搓下又打左個波上去，如果打左個波上去就好樣哀嫁啦，因為會比佢地班人勁笑，勁話低死，都要無奈咁上去攞番個波囉，哈哈，我自己就打左一球上去囉，勁比佢地笑，哈哈，不過佢地一打左上去，我當然係第一個話佢地低死個個啦，哈哈，打打下，我踩到亞樑隻腳，佢就勁痛囉，我就好似整到自己之前個舊患囉，行路都有ｄ痛囉，不過都係照打，唉，打打下又抽筋，本來得前面大腿抽，但係諗住轉身拉一拉，後面大腿再抽，之後亞仔咪幫我整鬆ｄ肌肉，之後都無咩事，好耐都未試過抽筋啦,下次都係要早d拉筋先啦。之後又再打，打到６點就沖涼番家啦，搭車個時又訓著左ｌｕ，哈哈，今日都要早ｄ訓啦，聽日又要番學，再唔番就無曬ｄ堂，就唔比考試嫁啦，唉，早ｄ訓，聽日新開始。
ｐｓ：再努力再努力。小丁，加油。
9:00
28/3/04
文章定位：
