今天是2002年的最後一日,夢星雲在今年裡發生了很多事,就讓我在今天的日記後簡單回顧.
今朝9點就起身了,因為約了蕉蕉去歷史博物館睇"戰爭與和平".但在我刷牙的時候,個電話突然響起,原來是蕉蕉打來的,佢話我知她臨時有o野做,要改遲o的先去喎,知就訓耐o的啦,但唔醒都醒o左,我只好左磨右磨,等夠鐘先出去搵蕉蕉.
我準時一點出到去尖沙咀,但點知蕉蕉仍未能到,我只好坐在別府等,等阿等,終於等到了,我們邊食邊傾,傾到兩點半就起身行過博物館,想話開始睇展覽,但點知...唔講得,因為如果講出o黎實比人"瘀"到爆,是關我們做這行的竟然都會唔知...那麼我們只好離開去行街街搵地方坐低飲o野傾計,本想搵間飲涼茶的,但我們一路行一路傾,由尖沙咀行o下行o下行到去油麻地才在廟街恭和堂停下來.就在這途上,蕉蕉佢...給了我一種感覺,一種好純潔的感覺,亦使我有點驕傲,因為這是我第一次有女仔咁樣...我真的好多謝妳呀!大家睇到這裡不要有什麼唔會呀!尤其"你"呀,"你"呀!!!!我不是同蕉蕉有什麼,我知蕉蕉這是對我的一種禮貌,但這個簡單的禮貌,就可以使我這個傻仔好開心,好sweet了!真的好多謝妳呀!!多謝妳,一位我的慷慨好好朋友.(^_^)我們在恭和堂傾o左一陣,就去搭地鐵講byebye,各自去下個活動節目了.
今年我同過去兩年一樣,在大除夕晚同5A同學會在大嶼山大舊間屋仔渡過,不過今年比往年少o左人去了.所以這次先頭部隊只有我啦,大舊,同埋華華with佢f.我們四人先入大嶼山買了部份東西,然後就到屋仔打點好,等到其他人快到時就開始起爐,準備燒o野食.今年我o地數埋唔夠十人,但一樣玩得好有氣氛,倒數時照樣大吵大嚷,就在倒數後,各人都各自打電話比其他朋友祝賀,而我亦有份,不過今年我第一個打的唔係阿怡,而係蕉蕉,原因是想話當係多謝佢外,另外就係想用來刺激o下阿麟o既,haha....!打完比蕉蕉,跟注就打比阿怡,但阿怡的電話今年沒有人接,只係得留言......(:{)
倒數過後,電話打完,就繼續燒o野食,我都唔記得燒到幾點了,就走入屋去打機,打完跟注又打麻雀,通宵至5點半,那時大家都準備走了,因為大家都想趕6點4班船回香港,回家好好的睡.不過這班船就趕得辛苦了,行到我上起唔接下氣,我們趕到碼頭緊緊是6時17分呢!
Pinky今日去台灣玩,祝她一路順風.
舊的一年就這樣過去,新的一年就這麼迎接.
一年,一年發生了不少事......
*新相識了一班好好朋友(仁愛之友)
*夢星雲一歲了
*屋企進入了非常時期,現在微有改善,但仍在努力
*阿怡的隱喻
*已經取得20個學分
*工作上的不快事
*夢星雲的不快
*詩詩出嫁了
*思詠回港一聚
*家姐過境
*突破3000大關
太多太多的喜與憂發生了!
文章定位：
