連日來的忙碌工作,加上實在十分疲倦了,所以沒有走到電腦面前寫日記,是到今天個人有點精神來寫呢!
10/10/02 "國慶"
今日是中華民國建國九十一周年國慶,這個才是我李俊釗心目中真真正正的國慶.我一如以往一早起身就在騎樓升起"國旗"(青天白日滿地紅旗),然後再在衫上扣上國旗襟章才出門口上班去.
今日真的好多謝阿麟同Sylvia,原因係他兩知道我近日忙到死,所以晚上入了沙田來陪我,想話我幫我手做更o的o野呢!不過我真的不敢勞煩他們,因為此終是自己的工作嘛!他們來到我中心時,我都已經搞點o左o的磁石貼,他們取過自己中心的磁貼後,就陪我上樓放低部notebook,然後食飯去.在食飯前,我去了80M取了兩部新車,好開心哦!今晚食飯同Slyvia和阿麟傾了些去旅行的地方,希望我們遲o的可以去得成啦!越多人去越好!!
11/10/02 "趕工"
今日仍是趕工,昨晚完成晒o的磁石貼,今日就趕其他的,做到晚上當看更的時候還要做呢!做死人啦~~~~
12/10/02 "Miss生日快樂"
是日係長週,仍要開工,不停的做到兩點才收工,嗚嗚......,收o左工落了火炭幫Miss買蓮容,買完返到屋企已經是3點,所以沒有去探BB,跟注一個人去了沙田食飯,4點,4點才食午飯呢!食過飯,又係指定節目--打機(無計,孤家寡人唔係咁,可以點!?).打完就出尖沙咀,同媽咪&細佬去了五十嵐食日式火鍋,不過就麻麻地,唔係想像中咁正.
食完火鍋,就趕返屋企取奶粉和蓮容,趕去Miss屋,是關我約了哥哥取支票,那支票是星期一上律師樓用的呢,今次屋企這問題,真的十分感謝哥哥和Miss的支持,我真的不知道可以再用什麼詞語來形容我的心情.(但我這個大頭蝦,上到人地屋企,直至到走人,都竟然忘記o左一樣o野,原來12號是Miss的生日呢!我記得她是十月生日的,但完全唔記得是12號,直到今日我開部Palm一睇,才知道呢!呀~~~12號正日見到Miss都沒有說一聲生日快樂,我真是衰仔呢!!我覺得自己好無心肝呀!!!完全不能原諒自己)Sorry呀Miss,補祝妳生日快樂.
13/10/02 "兄弟姊妹日"
今日約了姑姐飲茶,所以一家大細出了旺角稻香,不過阿妹又係例牌逢星期日發癲,所以她沒有去呢.飲完茶,就同細佬行旺角,本是想去球迷世界買波衫的,但那兒竟然星期日沒有開門,使我兩兄弟一場歡喜一場空呢!!要星期二晚先有時間出去買了,希望到時仍會有貨啦!雖然買唔到波衫,不過買到本漫畫和一盒小鸚鵡螺號,還有在80M取了新車,都已經不錯呢!行完旺角,兩兄弟返沙田打o左陣先回家去呢!hehe...我又有金球了.
晚上三兄弟姊妹落了樓下支持本區經濟,逛了百佳買雪糕和在vcd舖買o左套"見鬼",然後還在報紙檔玩拑公仔,haha...但可惜一隻都拑唔到呢!那套見鬼買o左返屋企即刻睇,睇完三兄弟妹都叫好!而我同阿妹一齊加多個好----好恐怖呢!!
14/10/02 "放假都要做"
忙o左咁多日,係今朝先可以睡到11點,如果不是媽咪叫醒我,我還想睡耐o的呢!今日得我同阿媽有假放,其餘都要返工返學,所以下晝得我兩個一齊食飯,食完飯,媽去了打牌,我就一個人去買六合彩,當我買完,然後從銀包取出上星期買的在站內報告板一對...hehe,又給我中了三個字,可以有廿蚊收呢!
買完六合彩又去了打機(又有金球),打完就唔敢再行街,要回家去了,因為還要趕中心的工作呢!連放假向屋企都要做,真悽慘......鬼叫咁多o野做咩.
文章定位：
